Atus 5:3 - BIBLIA - traduson antigu in Krioulo

³ Pedru puntal: “Ananias, kuma ku bu disa Satanas inci bu korson tok bu konta mintida pa Spiritu Santu, bu guarda parti di pres di terenu?

Atus 5:3 ပူးပေါင်းရင်းမြစ်များ

Jo 22:13

Bu ta punta: ‘Ke ku Deus sibi? Nta el i pudi julga na metadi di sukuru?

Ditus 20:25

I pirigu pa omi turmenta fala kuma i na dedika un kusa pa Deus, i kumsa pensa son dipus di si votu.

Eklesiastis 5:4

Si bu fasi un purmesa pa Deus, ka bu tarda pa kumpril, pabia Deus ka ta kontenti ku tulus. Kil ku bu purmiti, kumpril.

Isaias 29:15

Koitadi di kilis ku ta fasi se planus na kau sukundidu pa SIÑOR ka oja elis, e fasi se kusas na sukuru, e punta: “Kin ku na ojanu? Kin ku na sibi?”

Jeremias 23:24

Algin pudi sukundi na un kau ku N ka na ojal? Nta ami N ka inci seu ku tera?” Asin ku SIÑOR punta.

Oseias 11:12

Efrain rodian ku mintida; pobu di Israel rodian ku nganu. Judá ka misti fika bas di Deus puru i fiel.

Numerus 30:2

Si un omi fasi purmesa pa SIÑOR, o i mara si kabesa bas di un juramentu, i ka pudi kebra si palabra. Tudu ki papia ku si boka, i ten ku fasil.

Mateus 13:19

Tudu kil ku obi palabra di renu, i ka ntindil, ki malvadu ta bin rabata kil ku sumiadu na si korson. Es i sintidu di kil ku sumiadu lungu di kamiñu.

Lukas 22:3

Satanas yentra na Judas ku ta comadu Iskariotis, ku seduba un di ki dozi apostolu.

Bon Noba di Jesus Kristu ku Jon 13:2

Oca e kaba sia, diabu puiba ja na korson di Judas Iskariotis, fiju di Simon, pa i bindi Jesus.

Bon Noba di Jesus Kristu ku Jon 13:27

Dipus di Judas toma ki padas, Satanas yentra nel. Logu Jesus falal: “Kusa ku bu na fasi, fasil kinti-kinti.”

Atus 5:2

I rapati diñeru, i guarda utru. Si minjer tambi sibi. I leba ki utru parti, i pul dianti di apostolus.

Atus 5:4

Antis di bu bindilba, i di bo; dipus ku bu bindil, diñeru staba na bu mon. Ke ku pou pa bu kuda fasi e kusa? Bu ka konta mintida pa omis ma pa Deus.”

Atus 5:9

Pedru rabida i puntal: “Ke ku manda bo filanta pa proba Spiritu di Siñor? Kilis ku bai ntera bu omi, ali se pe ciga na porta; e na lebau tambi.”

Ripitison di Lei 23:21

Si bu purmiti SIÑOR bu Deus un kusa, ka bu tarda pa kumpri bu palabra, pabia SIÑOR bu Deus na perau pa bu kumpril; si bu ka fasil, bu na ojadu ku pekadu.

Tiagu 4:7

Asin, bo baŝa pa Deus; bo firma kontra diabu; i ta kuri di bos.

1 Pedru 5:8

Bo disperta, bo sedu jiru, pabia bo inimigu, ku sedu diabu, i na yanda na bo roda, suma lion ku na somna, i na buska kil ki pudi nguli.