Atus 5:11 - BIBLIA - traduson antigu in Krioulo

¹¹ Tudu igreẑa ku tudu kilis ku obi e kusas e fika ku garandi medu.

Atus 5:11 ပူးပေါင်းရင်းမြစ်များ

Salmus 89:7

Deus i rispitadu ku medu na juntamentu di si pobu; tudu kilis ku sta na si roda dibi di ten medu del.

Jeremias 32:40

N na fasi ku elis un kontratu ku ka na kaba, ku na pun pa N ka para fasi elis ben. N na pui elis pa e rispitan ku tudu se korson, pa nunka mas e ka bai lunju di mi.

Atus 19:17

Tudu judeus ku gregus ku mora na Éfesu bin sibi e kusa; medu bin riba delis tudu. Nomi di Siñor Jesus dadu garandi rispitu.

Atus 2:43

Apostolus ta fasiba manga di milagri ku sinal. Tudu jinti ta fika dimiradu.

Atus 5:5

Ananias kaba obi ki palabra, i kai, i muri. Garandi medu bin riba di tudu kilis ku obi ki kusa.

Atus 9:31

Asin igreẑa na tudu Judeia, Galileia ku Samaria teneba un tempu di pas. Spiritu Santu fortifika igreẑa, i dal animu. Numeru di krentis na buri; e na vivi ku rispitu pa Siñor.

Filipensis 2:12

Asin, ña amigus ku N ama, suma ku bo obdisin sempri ocan ku bos, gosi ku N ka sta la i mas importanti inda pa bo obdisi. Na rispitu ku medu bo pui bo salbason pa i tarbaja,

Ebreus 11:7

I fe ku pui Noe, oca Deus avisal di kusas ki ka oja inda, i seta, i kumpu barku pa salba si familia. Pabia di kila, mundu kondenadu, ma Deus oca Noe justu pabia di si fe.

Ebreus 12:15

Bo toma sintidu pa ka ningin pirdi fabur di Deus, pa ka nin un rais malgos nasi pa kansa bos, i bin venena manga di jinti;

Ebreus 12:28

Renu ku no risibi ka pudi bulbulidu. Asin no ba ta fala Deus obrigadu, no adoral ku rispitu, ku medu, suma ki misti,

Ebreus 4:1

Suma no ten inda purmesa di yentra na si lugar di diskansu, no toma sintidu pa ka nin un di bos bin falia, i pirdi entrada,

1 Pedru 1:17

Si na orason bo ta coma Pape kil ku ka ta diferensia jinti, ma i ta julga kada kin konformi kusas ki fasi, bo yanda na rispitu pa el tudu tempu ku bo sta suma ospri ne mundu.

Apokalipsi 15:4

Siñor, kin ku ka na medi bo? Kin ku ka na ngaba bu nomi? Abo son ki puru. E ku manda tudu nasons na bin, e na kai bu dianti pa adorau, pabia kusas justu ku bu fasi, tudu jinti pudi ojal.”