Atus 4:20 - BIBLIA - traduson antigu in Krioulo

²⁰ pabia anos no ka pudi disa di fala kusa ku no oja, ku no obi.”

Atus 4:20 ပူးပေါင်းရင်းမြစ်များ

2 Samuel 23:2

“Spiritu di SIÑOR papia na ña boka; si palabra staba na ña lingua.

Jeremias 1:7

SIÑOR falan: “Ka bu fala abo i mininu. Bu na bai pa tudu jinti ku N mandau; tudu ku N mandau fala, el ku bu na fala.

Jeremias 20:9

Utru ora N ta pensa, N fala: “N ka na lembra mas del, nin N ka na papia mas na si nomi.” Ma si palabra sta na ña korson suma fugu ku na yardi, ficadu na ña os; N ta fasi forsa pa guardal, ma N ka pudi nguenta.

Jeremias 4:19

Ai, ña korson, ña korson! Ami N na sufri ku dur. Ai! Sufrimentu di ña korson! Ña korson na bati; N ka pudi kala, pabia N obi toku di korneta ku baruju di gera.

Jeremias 6:11

N inci ku raiba di SIÑOR; N kansa ja di guardal dentru di mi.” SIÑOR falan: “Darmal riba di mininus na rua, tambi na runions di jovens. Te maridu ku minjer e na pañadu nel, tudu ku bejus ku kilis ku pertu muri.

Ezekiel 3:11

Bai pa bu parentis ku sta na katiberasku, bu papia ku elis; nin si e obiu o e nega obiu, bu na fala elis: ‘Asin ku SIÑOR Deus fala.’ ”

Amos 3:8

Lion somna; kin ku ka na medi? SIÑOR Deus papia ja; kin ku ka na anunsia si rekadu?

Mikeias 3:8

Ma ami, N inci ku forsa di Spiritu di SIÑOR; N sibi ke ki justisa. N ten koraẑen pa konta pobu di Israel se krimis ku pekadus.

Numerus 22:38

Balaon fala Balak: “Ali N bin pa bo gosi, ma N pudi fala kualker palabra na ña propi forsa me? Palabra ku Deus pui na ña boka, el ku N na fala.”

Numerus 23:20

N risibi ordi pa N bensua; el i bensua ja; ami N ka pudi disfasil.

Lukas 1:2

E skirbi ke ku utrus kontanu ku matiba disna di kumsada, ku sedu ja pursoris de palabra.

Atus 1:8

ma bo na risibi puder di Spiritu Santu ku na bin riba di bos. Bo na sedu ña tustumuñas na Jerusalen, ku tudu Judeia, ku Samaria, te na lugar mas lunju di mundu.”

Atus 18:5

Oca ku Silas ku Timótiu ciga di Masedonia, Paulu pui tudu si tempu pa konta palabra, i diklara judeus kuma Jesus i Kristu.

Atus 2:32

“E Jesus ku no na fala del, Deus lantandal di mortu. Anos tudu i tustumuñas de kusa.

Atus 2:4

Na ki ora elis tudu e fika incidu ku Spiritu Santu; e kumsa na fala na utru linguas, suma ku Spiritu da elis puder di fala.

Atus 22:15

pabia bu ten ku sedu si tustumuña, pa konta tudu jinti ke ku bu oja, ku ke ku bu obi.

Atus 3:15

Bo mata Dunu di vida, ma Deus lantandal di mortu. Anos no sedu tustumuñas de kusa.

Atus 5:32

Anos no sedu tustumuñas de kusas, suma tambi Spiritu Santu ku Deus da pa kilis ku obdisil.”