Atus 4:19 - BIBLIA - traduson antigu in Krioulo

¹⁹ Pedru ku Jon ruspundi e fala elis: “Bo kuda ben si i diritu dianti di Deus pa no obdisi bos mas di ki Deus,

Atus 4:19 ပူးပေါင်းရင်းမြစ်များ

1 Reis 12:30

Asin pobu kumsa yanda na pekadu; kada kin ta baiba te na Dan pa adora ki bakasiñu.

1 Reis 13:19

Asin ki omi di Deus riba ku el, i kume i bibi na si kasa.

1 Reis 14:16

I na bandona Israel pabia di pekadu ku Jeroboan fasi, ki pui Israel pa i fasi tambi.”

1 Reis 21:11

Asin garandis ku jinti altu ku moraba na prasa di Nabot e fasi konformi ordis ku Jezabel da na kartas ki manda elis.

1 Reis 22:14

Mikaias fala: “N jurmenta pa vida di SIÑOR kuma, kil ku SIÑOR falan, el ku N na fala.”

2 Reis 16:15

Rei Akaz da ordi pa saserdoti Urias, i falal: “Usa ki altar garandi pa ofertas kemadu di parmaña ku ofertas di kumida di di noti, ku ofertas kemadu di rei, ku si ofertas di kumida, ku ofertas kemadu di pobu ku se ofertas di kumida ku bibida. Bu ta waga nel tudu sangi di ofertas kemadu ku di utru sakrifisius. Ki altar di kobri na sedu pa mi, pa N pudi konsulta la.”

2 Reis 16:16

Saserdoti Urias fasi tudu kil ku rei Akaz falal.

Salmus 58:1

Abos juisis, N na punta bos: Bo ta papia bardadi na justisa? Bo ta julga tudu jinti ku retidon?

Saida 1:17

Ma parteras tenba medu di Deus, e ka fasi suma ku rei di Ejitu fala elis. Asin e guarda vida di mininus.

Jeremias 26:12

Jeremias papia ku tudu ŝefis ku tudu pobu, i fala: “I SIÑOR ku mandan pa N anunsia kontra e kasa ku e prasa tudu palabras ku bo obi.

Daniel 3:18

ma nin si i ka libranu, Ñu Rei pudi sibi kuma no ka na sirbi bu deusis, nin no ka na adora ki statua di uru ku bu lantanda.”

Daniel 6:10

Oca ku Daniel bin sibi kuma ki lei sinadu, i yentra na si kasa, nunde ki tenba un kuartu ku janelas abertu na ladu di Jerusalen. Tris bias na un dia i ta finkaba juju i ora, i fala si Deus obrigadu, suma ki kustumaba ta fasi.

Oseias 5:11

Jinti kalka Efrain, e kebrantal na julgamentu, pabia i pui sintidu pa bai tras di idulus.

Amos 7:16

Gosi, sukuta palabra di SIÑOR. Bu fala: ‘Ka bu anunsia kontra Israel, nin ka bu papia kontra jorson di Isak.’

Mikeias 6:16

Es tudu i pabia bu guarda usus di rei Onri, bu fasi tudu kusa ku familia di rei Akab fasi, bu yanda na se kustumus. Asin N na tisi danu riba di bo; N na ntrega bu pobu pa trosa. N na pui nasons pa e njuti bos.”

Mateus 22:21

E falal: “I di rei garandi.” I fala elis: “Bo da rei kil ki di rei; bo da Deus kil ki di Deus.”

Lukas 22:8

Jesus manda Pedru ku Jon, i fala elis: “Bo bai purparanu sia di Paskua pa no kumel.”

Bon Noba di Jesus Kristu ku Jon 7:24

Ka bo julga son na parsensa di fora, ma bo julga konformi kil ki justu.”

Atus 4:13

Oca e oja koraẑen di Pedru ku Jon, e ntindi kuma e seduba omis simplis ku ka teneba skola ciu, e dimira, e rapara kuma e ta staba juntu ku Jesus.

Atus 5:28

“Nta no ka tujiba bos pa ka bo nsina na ki nomi? Ma bo inci Jerusalen ku bo nsinamentu. Tambi bo misti kulpanu di mortu di ki omi.”

Atus 5:29

Pedru ku utru apostolus fala elis: “I mas minjor obdisi Deus di ki obdisi omis.

1 Koríntius 10:15

N na fala ku bos suma jinti di ntindimentu. Abos propi bo pudi julga ke ku N na fala.

2 Koríntius 4:2

No nega tudu kusa di borgoña ku jinti ta fasi sukundidu. No ka ta yanda na nganu, nin no ka ta tursi palabra di Deus. No misti pa tudu jinti ku bon konsiensia pa e rapara kuma no na yanda na lus klaru di bardadi dianti di Deus.

Efésius 6:1

Abos fijus, bo obdisi bo papes, pabia i bon pa bo fasi asin, suma ku bo sedu di Siñor.

1 Timótiu 2:3

Es i bon; i ta pui Deus no Salbadur kontenti.

Ebreus 11:23

Oca ku Moisés padidu, i fe ku pui si papes sukundil tris mis, pabia e oja kuma i seduba mininu bonitu. E ka medi ordi di rei.

Tiagu 2:4

nta bo ka fasi skuju na bo metadi? Bo sedu juis ku tene mau pensamentu.