Atus 3:20 - BIBLIA - traduson antigu in Krioulo

²⁰ pa manda Kristu ki tarda kuji pa bos, ku sedu Jesus.

Atus 3:20 ပူးပေါင်းရင်းမြစ်များ

Mateus 16:27

Fiju di omi na bin bin na gloria di si Pape, ku si anjus; i na paga kada kin konformi kusa ki fasi.

Mateus 24:3

Oca i sinta na monti di Olivera, si disipulus bai pa el aparti, e falal: “Kontanu kal tempu ku e kusas na kontisi. Kal sinal ku na mostra kuma bu na bin, kuma mundu na kaba?”

Markus 13:26

Dipus, jinti na oja Fiju di omi na bin na nuven ku garandi puder ku gloria.

Lukas 19:11

Oca ku jinti na sukuta e kusas, i kontinua i da elis utru komparason, pabia e na kudaba kuma renu di Deus na cigaba na ki tempu, suma ku Jesus staba ja pertu di Jerusalen.

Lukas 21:27

Na ki ora e na oja Fiju di omi na bin na un nuven, ku puder, ku garandi gloria.

Atus 17:31

pabia i marka un dia ki na bin julga mundu ku justisa, na mon di un omi ki distina pa i fasil. I da tudu jinti sertesa di kuma i na sedu, oca i lantanda ki omi na metadi di mortus.”

Atus 3:19

Asin, bo ripindi, bo konverti, pa bo pekadu limpadu, pa Siñor da bos tempu di arnobason,

Atus 3:21

Ma i ten ku fika na seu te ora ku tempu ciga ku Deus na arnoba tudu kusa, suma ki fala disna na boka di si santu anunsiaduris.

2 Tesalonisensis 2:2

pa ka bo bulbuli dipresa na bo pensamentu, nin ka bo tarpaja ku kualker palabra di anunsiu, nin palabra di algin ku na konta Bon Noba, nin ku kualker karta ku parsi di nos, ku fala kuma dia di Siñor ciga ja.

2 Tesalonisensis 2:8

Dipus, ki malvadu na parsi, ma ora ku Siñor Jesus bin, i na matal ku folgu di si boka; i na kaba ku el ku lus ku na lampra ora ki na bin.

Ebreus 9:28

Asin tambi Kristu da si vida un bias pa tira pekadu di manga di jinti. I na parsi sugundu bias; i ka pa trata di pekadu, ma pa salba kilis ku na peral.

Apokalipsi 1:7

Bo jubi, i na bin ku nuvens. Tudu jinti na ojal, te kilis ku furalba kurpu. Tudu rasas na mundu na cora riba del. Asin ki na sedu. Amen.