Atus 3:16 - BIBLIA - traduson antigu in Krioulo

¹⁶ I fe na si nomi ku da forsa pa e omi, ku bo na oja, bo kunsi. I nomi di Jesus, ku fe ku bin pabia del, ku dal e kura kompletu ku abos tudu bo oja.

Atus 3:16 ပူးပေါင်းရင်းမြစ်များ

Mateus 14:29

I falal: “Bin.” Pedru ria na barku, i kumsa na yanda riba di yagu pa kontra ku Jesus,

Mateus 9:22

Jesus rabida tras, i ojal, i falal: “Ten koraẑen, ña fiju; bu fe kurau.” Na ki ora minjer san.

Bon Noba di Jesus Kristu ku Jon 14:12

N na fala bos bardadi, kin ku fia na mi i ta fasi tambi e kusas ku N ta fasi; i ta fasi inda mas garandi di ki esis, pabia ami N na bai pa ña Pape.

Bon Noba di Jesus Kristu ku Jon 7:23

Si rapas ta sirkunsidadu na dia di diskansu pa un lei di Moisés ka kebradu, kuma gora ku bo raiba kontra mi pabia N kura un omi na dia di diskansu?

Atus 14:9

I obi Paulu na papia. Paulu pui uju nel, i oja kuma i tenba fe pa i kuradu,

Atus 16:18

I fasi asin ku nos pa manga di dia, tok Paulu ka pudi nguental mas; i rabida pa el, i fala spiritu: “N na dau ordi na nomi di Jesus Kristu pa bu sai nel!” Na ki ora i sai.

Atus 3:6

Pedru falal: “N ka tene nin prata nin uru, ma N na dau kil ku N tene. Na nomi di Jesus Kristu di Nazaré, lanta bu yanda.”

Atus 3:8

I jukuta, i firma, i bai i yentra juntu ku elis na kasa di Deus; i na jukuta, i na yanda, i na ngaba Deus.

Atus 4:10

i bon pa bo sibi, abos tudu ku tudu pobu di Israel, kuma e omi sta sikidu, san bo dianti, na nomi di Jesus Kristu di Nazaré, kil ku bo krusifika, ku Deus lantanda di mortu.

Atus 4:30

bu distindi bu mon pa kura, pa sinal ku milagri pudi fasidu na nomi di bu santu servu Jesus.”

Atus 4:7

E pui apostolus pa e firma se dianti, e punta elis: “Ku kal puder o na nomi di kin ku bo fasi es?”

Romanus 3:22

Deus ta fasi jinti ku fia na Jesus Kristu pa e sedu justu. El i ka ta fasi skuju; i pa tudu kil ku ten fe.

1 Koríntius 13:2

N pudi tene don di anunsia rekadu di Deus, N kunsi tudu kusa sukundidu, N sibi tudu kusa; N pudi ten garandi fe pa N mundanta montis, ma si N ka ten amor, N ka na sedu nada.

Ripitison di Lei 32:4

El i Roca; kusas ki fasi i pirfitu; tudu si kamiñus sedu justu. Deus i bardadi; injustisa ka sta nel; el i justu, i retu.