Atus 3:13 - BIBLIA - traduson antigu in Krioulo

¹³ Deus di Abraon, Isak ku Jakó, Deus di no papes, i glorifika si servu Jesus, kil ku bo ntrega na otridadi, ku bo nega dianti di Pilatus, oca ku kila mistiba largal.

Atus 3:13 ပူးပေါင်းရင်းမြစ်များ

Saida 3:13

Moisés fala Deus: “Si N bai pa fijus di Israel, N fala elis: ‘I Deus di bo papes ku mandan pa bos,’ si e puntan: ‘Kuma ki si nomi?’ ke ku N na fala elis?”

Saida 3:15

Deus fala mas ku Moisés: “Asin ku bu na fala fijus di Israel: ‘SIÑOR, Deus di bo papes, Deus di Abraon, Deus di Isak, Deus di Jakó, i mandan pa bos.’ Es i ña nomi pa sempri, es i ña lembransa pa tudu jorson na futuru.

Saida 3:6

I falal mas: “Ami N sedu Deus di bu pape, Deus di Abraon, Deus di Isak, Deus di Jakó.” Moisés kubri si rostu pabia i tenba medu pa oja ku Deus.

Mateus 11:27

Ña Pape ntregan tudu kusa. Ningin ka kunsi Fiju si i ka si Pape; ningin ka kunsi Pape si i ka si Fiju, ku kil ku Fiju misti mostral el.

Mateus 20:19

E na ntregal na mon di jinti ki ka judeu. E na fasil trosa, e na sutal, e pregal na krus, ma dipus di tris dia i na lantandadu di mortu.”

Mateus 22:32

‘Ami i Deus di Abraon, Deus di Isak, Deus di Jakó’? Ma Deus i ka Deus di mortus, i Deus di bibus.”

Mateus 27:2

E maral ku korenti, e lebal, e bai ntrega gubernadur Pilatus.

Mateus 28:18

Jesus ciga pertu, i fala elis: “N dadu tudu puder na seu ku tera.

Markus 15:11

Ŝefis di saserdoti cuci pobu pa e pidi pa i larga Barabás mbe di larga Jesus.

Lukas 22:57

Pedru nega, i falal: “Minjer, nin N ka kunsil.”

Lukas 23:4

Pilatus fala ŝefis di saserdoti ku tudu jinti: “N ka oja nin un kulpa ne omi.”

Lukas 6:37

“Ka bo julga, bo ka ta julgadu. Ka bo kondena, bo ka ta kondenadu. Bo purda, bo ta purdadu.

Bon Noba di Jesus Kristu ku Jon 12:16

Si disipulus ka ntindi e kusas na kumsada, ma oca Jesus glorifikadu, e kumsa lembra kuma e kusa ke fasil staba skritu aserka del.

Bon Noba di Jesus Kristu ku Jon 18:40

Tudu ki jinti grita: “El nau; i Barabás ku no misti!” Barabás seduba un bandidu.

Bon Noba di Jesus Kristu ku Jon 19:11

Jesus falal: “Ñu ka na tenba nin un puder kontra mi si Deus ka da Ñu el, ma kil ku ntregan na mon di Ñu ten pekadu mas garandi.”

Bon Noba di Jesus Kristu ku Jon 19:12

Disna di ki ora Pilatus na buskaba manera di largal, ma judeus na gritaba, e fala: “Si Ñu largal, Añu i ka amigu di rei. Tudu algin ku ta fala kuma el i rei, i kontra no rei garandi.”

Bon Noba di Jesus Kristu ku Jon 19:15

Ma elis e grita: “Tiral! Tiral! Krusifikal!” Pilatus punta elis: “N na krusifika bo rei?” Ŝefis di saserdoti ruspundil: “No ka tene utru rei fora di rei garandi.”

Bon Noba di Jesus Kristu ku Jon 7:39

Jesus na falaba aserka di Spiritu Santu ku tudu jinti ku setal na risibi; pabia Spiritu ka dadu inda, suma ku Jesus ka glorifikaduba inda.

Atus 22:14

I falan: ‘Deus di no papes jumna i kujiu ja pa bu kunsi si vontadi, pa bu oja ki Algin Justu, pa bu obi fála di si boka,

Atus 24:14

Ma i ten un kusa ku N na konfesa Ñu, kuma N ta adora Deus di no papes na ki kamiñu ke ta coma ‘seita’, ma N ta fia na tudu ku sta skritu na librus di lei ku anunsiaduris.

Atus 3:12

Oca ku Pedru oja elis, i punta: “Omis di Israel, pa ke ku bo na dimira e kusa ku kontisi? Ke ku manda bo na jubinu suma ki no forsa o i no vida puru ku pui e omi yanda?

Atus 3:26

Deus lantanda si servu, i mandal pa bos purmeru, pa i bensua bos, pa i pui kada un di bos rabida di si mau kamiñu.”

Atus 4:27

“Na bardadi Erodis ku Ponsiu Pilatus, ku jintius ku pobu di Israel, e junta ne prasa kontra bu santu servu Jesus, kil ku bu unji.

Atus 4:30

bu distindi bu mon pa kura, pa sinal ku milagri pudi fasidu na nomi di bu santu servu Jesus.”

Atus 7:32

‘Ami i Deus di bu papes, Deus di Abraon, Isak ku Jakó.’ Moisés fika i na tirmi, i ka osa jubi.

Romanus 9:5

I elis ku sai na jorson di papes antigu. Na ladu di familia, Kristu sai na ki jorson. El i sta riba di tudu, i sedu Deus ku dibi di ngabadu pa sempri! Amen.

Ebreus 2:9

ma no oja Jesus, kil ku fasidu un bokadu mas pikininu di ki anjus pa i pudi muri pa tudu jinti, pa bondadi di Deus. No ojal gosi ku koroa di gloria ku onra, pabia di mortu ki sufri.

Apokalipsi 1:18

Ami i kil ku bibu; N muriba ma alin li bibu pa tudu sempri. N tene cabi di mortu ku lugar di mortus.

Apokalipsi 1:5

ku Jesus Kristu ku sedu fiel tustumuña, purmeru ku lanta di mortu, ku sta riba di reis di tera. I el ku amanu, ku si sangi i libertanu di no pekadu,