Atus 28:3 - BIBLIA - traduson antigu in Krioulo

³ Paulu junta manga di leña, i bai pui na fugu. Un kobra ku staba na leña i na kuri di kentura, i pega na mon di Paulu.

Atus 28:3 ပူးပေါင်းရင်းမြစ်များ

Jo 20:16

I na cupa venenu di kobra; boka di vibura na matal.

Isaias 30:6

Es i rekadu di Deus aserka di limarias di sul di Judá: Mbaŝaduris na pasa na tera di kansera ku kasabi, nunde ki ten lion macu ku femia, tutu ku kobra venenosu ku ta buanta kabesa. E ta leba se rikesas riba di burus, utru kusas di balur riba di kamelus, pa un pobu ku ka na da elis ajuda.

Isaias 41:24

Abos, tudu ku kusas ku bo ta fasi, bo ka bali nada. Ki algin ku kuji bos i nujenti.

Isaias 59:5

E ta kenci ovus di kobra, e tisi teias di araña; kil ku kume se ovus na muri; si un delis kebradu, i na sai un kobra tutu.

Amos 5:19

I na sedu suma un omi kuri pa kapli di lion, i bin kontra ku ursu, o suma i yentra na un kasa, i ngosta mon na paredi; kobra bin murdil.

Mateus 12:34

Jorson di kobras! Suma bo sedu mau, kuma ku bo pudi papia bon kusa? Boka ta papia kusa ku inci korson tok i na darma.

Mateus 23:33

“Serpentis! Jorson di kobras! Kuma ku bo na kapli kondenason di nfernu?

Mateus 3:7

Jon bin oja manga di jinti di partidus di fariseus ku saduseus na binba pa kau nunde ki na batisa. I fala elis: “Jorson di kobras, kin ku nsina bos kuri di kastigu ku na bin?

Markus 16:18

e na pega na kobras; si e bibi kualker kusa ku ta mata, i ka na fasi elis nin danu; e na pui mon riba di duentis; e ta san.”

Atus 28:2

Jinti di la e tratanu diritu. Suma cuba na cubi, kau staba friu, e sindi fugu garandi, e rukujinu tudu.

Atus 28:4

Oca ku jinti di ki jiu oja kobra pindradu na si mon, e fala ŋutru: “E omi sertamenti i matadur. I kapli di mar, ma Justisa ka na disal pa i bibu.”

2 Koríntius 11:23

E ta sirbi Kristu? N na fala suma ku N sta fora di mi, ma ami N ta sirbil mas. N mas tarbaja di ki elis; N sutadu mas di ki elis; N mas pudu prezu di ki elis; manga di bias N staba na pirigu di mortu.

2 Koríntius 6:9

No sedu jinti diskuñisidu ku tudu jinti kunsi; i suma no muri ma inda no bibu; no kastigadu ma no ka matadu;