Atus 26:13 - BIBLIA - traduson antigu in Krioulo

¹³ Na parti di me-dia, ocan na kamiñu, N oja un lus di seu, mas lampradu di ki sol, i lampra na ña roda, ku kilis ku na baiba ku mi.

Atus 26:13 ပူးပေါင်းရင်းမြစ်များ

Isaias 24:23

Lua na fika sukuru; sol na sukundi rostu ku borgoña ora ku SIÑOR ku ten tudu puder na rena na Jerusalen na monti di Sion. Si garandis na oja si gloria.

Isaias 30:26

Na ki dia ku SIÑOR na liga kebradura di si pobu, i kura se firidas ki pui nelis, lua na lampra suma sol; lus di sol na lampra seti bias mas, suma lus di seti dia.

Mateus 17:2

i torkia si parsensa se dianti. Si rostu na lampraba suma sol, si ropa bida branku suma lus.

Atus 22:6

“Oca N staba na kamiñu, pertu ja di Damasku, kuas me-dia, di repenti un garandi lus di seu rodian.

Atus 22:9

Kilis ku staba ku mi na bardadi e oja lus, ma e ka ntindi vos di kil ku na papiaba ku mi.

Atus 26:12

“I ku e sintidu ku N na baiba pa Damasku, ku otridadi ku ordi di ŝefis di saserdoti.

Atus 26:14

No kai na con, anos tudu; N obi vos ku falan na lingua di judeus: ‘Saulu, Saulu, ke ku manda bu na pirsigin? I kusa kansadu pa bu rafila ku mantampa.’

Atus 9:3

Ocal na kamiñu, pertu di Damasku, di repenti lus di seu lampra, i dal volta.

Apokalipsi 1:16

I teneba seti strela na si mon direita; na si boka i na saiba un spada moladu na dus ladu. Si rostu seduba suma sol di me-dia.

Apokalipsi 21:23

Prasa ka pirsisa di sol nin di lua pa numia nel, pabia gloria di Deus ku ta numial; Karnel ku sedu si kanderu.