Atus 26:11 - BIBLIA - traduson antigu in Krioulo

¹¹ N ta kastiga elis manga di bias na tudu kasa di juntamentu; N ta obriga elis pa e nega se fe. Ku raiba forti ku N tenba delis, N ta pirsigi elis te na prasas stranjeru.

Atus 26:11 ပူးပေါင်းရင်းမြစ်များ

Salmus 102:8

Ña inimigus ta koban tudu ora; kilis ku ten raiba kontra mi e ta maldisuan.

Eklesiastis 9:3

Es i mal ku sta na tudu ku ta fasidu ne mundu, kuma mesmu kusa ta kontisi ku tudu jinti. Korson di omis inci maldadi ku tulesa na tudu se vida. Dipus e ta bai juntu ku kilis ku muri ja.

Mateus 10:17

Bo toma sintidu ku jinti, pabia e na bin leba bos na Konseliu, e na bin suta bos na se kasas di juntamentu.

Markus 13:9

“Abos propi, bo toma sintidu. Pabia di mi bo na ntregadu na justisa; bo na sutadu na kasas di juntamentu; tambi bo na lebadu dianti di gubernaduris ku reis, pa bo pudi konta di mi se dianti.

Markus 3:28

“Na bardadi N na konta bos kuma, Deus i ta purda jinti tudu pekadu, ku tudu palabra mau ke fala kontra el Deus,

Lukas 15:17

“I kumsa na kuda; sintidu rabida ku el, i fala: ‘Kantu tarbajaduris di ña pape ku tene kusa di kume tok i pasa; ami li N na muri ku fomi!

Lukas 21:12

“Ma antis de kusas tudu sedu, e na prindi bos, e na pirsigi bos, e na ntrega bos na kasas di juntamentu pa bo julgadu; bo na pudu na kalabus. E na leba bos dianti di reis ku gubernaduris pabia di ña nomi.

Lukas 6:11

E paña raiba dimas; e fika e na papia entri elis ke ke dibi di fasi ku Jesus.

Atus 13:45

Judeus, oca ke oja ki multidon di jinti, e inci di nveẑa, e kumsa na papia mau palabra kontra kil ku Paulu na fala.

Atus 18:6

Suma elis e nega, e na kobalba, i sakudi si ropa, i fala elis: “Bo sangi na sta riba di bo kabesa. N sta limpu. Gosi N na bai pa jintius.”

Atus 22:19

N falal: ‘Siñor, e sibi diritu kuma N ta baiba na kada kasa di juntamentu, N ta suta kilis ku fia na bo, N bota elis na kalabus.

Atus 22:5

Ŝef di saserdotis ku tudu garandis di Konseliu e pudi konfirma es ku N na fala. N risibi kartas na se mon pa se ermons judeu na Damasku. N na baiba la pa prindi krentis ku staba la, pa tisi elis maradu pa Jerusalen pa e kastigadu.

Atus 9:1

Saulu ka para inda ameasa mortu pa disipulus di Siñor. I bai pa ŝef di saserdotis,

Tiagu 2:7

I ka elis ku na fala mal di bon nomi ku bo comadu?

2 Pedru 2:16

ma ku raprindidu pa si pekadu. Buru mudu papia ku fála di omi, i tuji anunsiadur fasi tulesa.