Atus 22:30 - BIBLIA - traduson antigu in Krioulo

³⁰ Sol mansi. Kumandanti misti sibi sertu ke ku judeus na akusa Paulu del; i tiral korenti, i manda pa ŝefis di saserdoti junta ku tudu Konseliu, i leba Paulu, i pul sikidu se dianti.

Atus 22:30 ပူးပေါင်းရင်းမြစ်များ

Mateus 10:17

Bo toma sintidu ku jinti, pabia e na bin leba bos na Konseliu, e na bin suta bos na se kasas di juntamentu.

Mateus 27:2

E maral ku korenti, e lebal, e bai ntrega gubernadur Pilatus.

Mateus 5:22

Ma ami N na konta bos: tudu algin ku paña raiba kontra si ermon [sin roson] i na julgadu; kil ku koba si ermon, i comal tulu, i na julgadu na Konseliu; o i falal stupidu, i mersi bai pa fugu di nfernu.

Atus 21:11

I bin nunde nos, i toma sintu di Paulu, i mara si propi pe ku mon, i fala: “Spiritu Santu fala kuma, asin ku judeus la na Jerusalen na mara omi ku tene e sintu, e na ntregal na mon di jintius.”

Atus 21:33

Kumandanti ciga, i prindil, i manda maral ku dus korenti, i punta: “Es omi i kin? Ke ki fasi?”

Atus 22:5

Ŝef di saserdotis ku tudu garandis di Konseliu e pudi konfirma es ku N na fala. N risibi kartas na se mon pa se ermons judeu na Damasku. N na baiba la pa prindi krentis ku staba la, pa tisi elis maradu pa Jerusalen pa e kastigadu.

Atus 23:1

Paulu jubi diritu pa Konseliu, i fala: “Ña ermons, te aos N yanda dianti di Deus ku tudu bon konsiensia.”

Atus 23:15

Asin, abos ku jinti di Konseliu, bo ta pidi kumandanti pa i tisi bos el amaña, pa i sta suma e na fala kuma e misti puntal e kombersa mas diritu. Anos no sta pruntu pa matal antis di i ciga.”

Atus 23:20

I falal: “Judeus filanta pa pidi pa Ñu manda Paulu pa Konseliu amaña; e na fala kuma e misti puntal e kombersa mas diritu.

Atus 23:28

N mistiba sibi ke ku manda e na akusal, N lebal pa se Konseliu.

Atus 23:6

Paulu sibi kuma un parti i di grupu di saduseus, utru parti di fariseus. Asin i papia risu na Konseliu, i fala: “Ña ermons, ami i fariseu, fiju di fariseu. N na julgadu pabia di speransa di kuma mortus na lanta.”

Atus 26:29

Paulu falal: “Nin ki mas un bokadu o manga di tempu, N na pidi Deus, i ka son pa Ñu, ma tambi pa tudu kilis ku na obin aos, pa e bida suma mi, menus e korenti li.”

Atus 5:21

Apostolus obi ke ku anju fala, e bai parmaña sedu na kasa di Deus, e kumsa na nsina jinti. Oca ku ŝef di saserdotis ciga ku si kumpañeris, e manda coma tudu garandis di pobu di Israel pa un juntamentu di Konseliu. E manda guardas pa e bai tisi apostolus na kalabus.