Atus 21:9 - BIBLIA - traduson antigu in Krioulo

⁹ I teneba kuatru fiju bajuda ku ta anunsia rekadu di Deus.

Atus 21:9 ပူးပေါင်းရင်းမြစ်များ

2 Reis 22:14

Asin saserdoti Ilkias, ku Aikan, Akbor, Safan ku Asaias, e bai pa sugundu bairu di Jerusalen, pa kasa di anunsiadur Ulda, (si maridu Salun, fiju di Tikvá, fiju di Arás, i ta rakadaba ropa di templu) e papia ku el.

Neemias 6:14

N ora N fala: “Ña Deus, lembra di Tobias ku Sambalat pabia de kusas ke fasi, suma tambi ki minjer anunsiadur Noadias, ku ki utru anunsiaduris ku misti mitin medu.”

Saida 15:20

Mirian, ku ta anunsiaba rekadu di Deus, irma di Aron, i toma tambriña na si mon. Tudu minjeris pega si tras, e na toka tambriñas, e na baja.

Ezekiel 13:17

“Abo, fiju di omi, pui bu rostu kontra fijus femia di bu pobu ku ta anunsia kusas ku ta sai na se kabesa. Anunsia kontra elis,

Joel 2:28

“Mas tardi, N na darma ña Spiritu riba di tudu jinti. Bo fijus macu ku femia e na anunsia rekadu di Deus; bo omis beju e na ba ta suña; bo jovens na oja visons.

Lukas 2:36

I tenba tambi un minjer anunsiadur ku comadu Ana, fiju di Fanuel, di jorson di Aser. I teneba ja idadi avansadu. I kasa ocal bajuda, i ten son seti anu ku si omi; kila bin muri.

Atus 13:1

Na igreẑa di Antiokia i tenba anunsiaduris ku pursoris, ku sedu Barnabé, Simeon ku comadu Negru, Lusiu di Sireni, Manaen ku kriadu juntu ku rei Erodis, ku Saulu.

Atus 2:17

Deus fala asin: ‘Na ultimu tempu N na darma ña Spiritu riba di tudu jinti. Bo fijus macu ku femia na anunsia rekadu di Deus; bo jovens na oja visons; bo omis garandi na ba ta suña.

1 Koríntius 7:38

De manera, kil ku kasa ku si bajuda, i fasi ben, ma kil ku ka kasa, i fasi mas ben.

Apokalipsi 2:20

Ma kusa ku N tene kontra bo, suma ku bu disa ki minjer Jezabel ku fala kuma i anunsiadur. I na nsina, i na ngana ña servus pa e fasi pekadu seksual, tambi pa e kume karni ku matadu pa idulus.

Ŝefis 4:4

Debora, ku seduba anunsiadur di rekadu di Deus, minjer di Lapidot, i ta mandaba na Israel na ki tempu.