Atus 20:3 - BIBLIA - traduson antigu in Krioulo

³ i pasa tris mis la. Oca ki na purpara mbarka pa Siria, i bin sibi kuma judeus yarmal mboskada, i rezolvi riba pa kamiñu di Masedonia.

Atus 20:3 ပူးပေါင်းရင်းမြစ်များ

Esdras 8:31

Na dia 12 di purmeru mis no sai di ki kau lungu di riu Aava pa bai pa Jerusalen. Mon di no Deus staba riba di nos, i libranu di mon di inimigus, ku kilis ku na montianu na kamiñu.

Ditus 1:11

E pudi falau: “Bin ku nos, no buska algin pa mata; no monta mboskada pa un algin ku ka fasinu mal!

Jeremias 5:26

“Na metadi di ña pobu i ten omis mau; kada un na yanda, i na montia, suma ku omi ta montia kacus; i ta pui armadilia pa paña omis.

Mateus 4:24

Fama di Jesus laga pa tudu ladu na Siria; jinti ta tisil tudu kilis ku na sufri di manga di koldadi duensa ku sufrimentu, kilis ku tene spiritus mau, kilis ku ta da ataki ku kilis ku ka pudi bulbuli kurpu. Jesus kura elis.

Atus 16:12

Di la no bai pa Fílipus, prasa mas importanti na ki parti di Masedonia; i un kolonia di Roma. No fika la puku dia.

Atus 16:9

Na ki di noti Paulu oja un vison. Un omi di Masedonia staba sikidu si dianti, ku pidil i falal: “Bin pa Masedonia, bu judanu.”

Atus 18:18

Paulu tarda na Korintu un tempu inda; i dispidi ermons, i mbarka pa Siria. Prisila ku Ákila bai ku el. Na Senkreia i rapa kabesa pabia i fasiba Deus purmesa.

Atus 19:21

Dipus de kusas kontisi, Paulu pui na si sintidu visita Masedonia ku Akaia, dipus pa pasa pa Jerusalen. I fala: “Dipus di N sta la, N ten ku visita Roma tambi.”

Atus 20:1

Dipus di baruju pasa, Paulu manda coma krentis, i anima elis, i dispidi, i bai pa Masedonia.

Atus 20:19

N tarbaja pa Siñor ku tudu mansesa, ku manga di larma, ku garandi kansera ku judeus dan ku se mboskadas.

Atus 20:2

I yanda pa tudu ki reẑion, i anima krentis ku manga di palabra, i bai pa Akaia,

Atus 21:3

Oca ku no na oja Ŝipri, no disal pa skerda, no pasa pa Siria, no ciga na Tiru, nunde ku barku ten ku diskarga.

Atus 25:3

E pidil garandi fabur pa i manda Paulu pa Jerusalen, ma e na yarma mboskada pa matal na kamiñu.

2 Koríntius 1:15

N tenba tantu sertesa de kusas ku N fasi kalkulu pa visita bos purmeru, pa bo risibi dus benson,

2 Koríntius 11:26

Na manga di bias ku N fasi, N staba na pirigu di riu, pirigu di bandidus, pirigu di kilis di ña rasa ku di utru rasa, pirigu na prasa, pirigu na matu, pirigu na mar, pirigu na metadi di ermons finjidu.

2 Koríntius 7:5

Mesmu oca no ciga Masedonia, no ka tenba diskansu na kurpu. No kansa na tudu ladu — geras pa fora, medu dentru di no korson,

Gálatas 1:21

Dipus N bai pa parti di Siria ku Silísia.