Atus 2:39 - BIBLIA - traduson antigu in Krioulo

³⁹ pabia purmesa i pa bos, ku bo fijus, ku tudu jinti ku sta lunju — tudu algin ku no Siñor Deus coma.”

Atus 2:39 ပူးပေါင်းရင်းမြစ်များ

Isaias 44:3

pabia N na darma yagu na con ku tene sedi, ku rius na tera seku. N na darma ña Spiritu riba di bu fijus, N na darma ña benson riba di bu jorson.

Isaias 54:13

SIÑOR na nsina tudu bu fijus; e na ten pas ciu.

Isaias 57:19

N na pui pa e ngaban. N na anunsia pas pa kilis ku sta lunju ku kilis ku sta pertu, N na kura elis.” Asin ku SIÑOR fala.

Isaias 59:19

Omis na rispita nomi di SIÑOR desdi kaida di sol; e na rispita si gloria desdi saida di sol. Ora ku inimigu bin suma korenti di yagu, Spiritu di SIÑOR na serkal tok i kuri.

Isaias 59:20

SIÑOR fala: “Libertadur na bin pa Sion, pa kilis di jorson di Jakó ku ripindi di se pekadu.”

Isaias 65:23

E ka na tarbaja amonton, nin e ka na padi fijus pa sufrimentu, pabia e na sedu un pobu ku SIÑOR bensua, elis ku se jorson di futuru.

Ezekiel 37:25

E na mora na tera ku N da ña servu Jakó, ku bo papes moraba nel. Elis ku se fijus ku fijus di se fijus e na mora nel pa sempri. Davi, ña servu, na sedu se rei pa sempri.

Joel 2:28

“Mas tardi, N na darma ña Spiritu riba di tudu jinti. Bo fijus macu ku femia e na anunsia rekadu di Deus; bo omis beju e na ba ta suña; bo jovens na oja visons.

Joel 2:32

Na ki tempu, tudu algin ku coma nomi di SIÑOR i na sedu salbu. Na monti di Sion, tambi na Jerusalen, i na ten libramentu, suma ku SIÑOR fala, na metadi di kilis ku fika ku vida, kilis ku SIÑOR coma.

Atus 10:45

Tudu krentis judeu ku baiba ku Pedru e fika dimiradu suma ku don di Spiritu Santu darmadu tambi riba di jinti ki ka judeus,

Atus 14:27

Oca ke ciga, e junta jinti di igreẑa, e konta garandi kusas ku Deus fasi pa se mon, manera ki yabri porta di fe pa jintius.

Atus 15:14

Simon konta kuma, purmeru, Deus visita jintius pa tira na se metadi un pobu pa el, Deus.

Atus 15:3

Igreẑa juda elis ne bias. Na kamiñu e pasa na Fenísia ku Samaria; e na konta kuma ku jintius konverti. E noba pui tudu ermons fika kontenti.

Atus 15:8

Deus, ku kunsi korson di jinti, i mostra si kontentamentu ku elis, i da elis Spiritu Santu suma ki danu tambi.

Romanus 11:29

Deus ka ta muda si sintidu pa kilis ki kuji, i pati kusas.

Romanus 8:30

Kilis ki distinaba ja, tambi i coma elis. Kilis ki coma, tambi i fasi elis justu. Kilis ki fasi justu, tambi i da elis si gloria.

Romanus 9:24

Deus comanu tambi, i ka son na metadi di judeus, ma tambi na metadi di jintius.

Romanus 9:4

I elis ku sedu israelitas; Deus fasi elis si fijus, i rapati gloria ku elis, i fasi kontratu ku elis, i da elis lei; i elis ku ten sirmonia di bardadi, ku purmesas.

1 Koríntius 7:14

Maridu ki ka krenti i pertensi Deus pabia di si minjer. Minjer tambi ki ka krenti i pertensi Deus pabia di si maridu krenti. Si i ka asin ba, bo fijus e ka ta pertensiba Deus, ma na bardadi e pertensil.

Efésius 1:18

N pidi pa i yabri bo ntindimentu pa bo oja si lus, pa bo pudi sibi kal ki speransa ku bo comadu pa el, pa bo oja rikesa gloriosu di garandi benson ki fala i na da si pobu;

Efésius 2:12

Na ki tempu bo staba separadu di Kristu; bo ka pertensiba pobu di Israel; bo staba fora di kontratu ku purmesa ku Deus da si pobu. Bo staba na mundu sin speransa, tambi sin Deus,

Efésius 4:4

I ten un kurpu son, ku un Spiritu son, suma tambi ki ten un speransa son ku bo comadu pa el.

Ripitison di Lei 29:15

ku sta sikidu li aos dianti di SIÑOR no Deus; tambi i ku kil ku aos ka sta li ku nos.

2 Tesalonisensis 1:11

E ku manda no ta ora sempri pa bos, pa no Deus fasi bos mersidur di vida ki coma bos pa el, pa i kumpri ku si puder tudu bo diseẑu di sedu bon, tambi pa i kompleta bo tarbaju di fe,

2 Timótiu 1:9

I salbanu, i comanu pa no sedu si pobu. I ka pabia di kil ku no fasi, ma pabia di si planu, ku si fabur. I danu e fabur pabia di Kristu Jesus, antis di kumsada di tempu,

Ebreus 3:1

Asin, ermons krenti ku Deus coma, bo pui sintidu na Jesus, ku sedu Apostolu i Ŝef di Saserdoti di ki fe ku no ta konta kuma i di nos.

Ebreus 9:15

E ku manda i ranja nobu kontratu na metadi di nos ku Deus, pa kilis ku comadu pudi risibi yardansa ku ka ta kaba ku Deus fala i na da. Es pudi sedu son pabia di un mortu, ku ta liberta jinti di mal ke fasi na tempu di purmeru kontratu.

1 Pedru 5:10

Dipus di bo sufri un bokadu di tempu, Deus ku ta da tudu grasa, ku coma bos na Kristu pa bo toma parti na si gloria ku ka na kaba, i ta fasi bos kompletu, i ta firmanta bos, i fortifika bos, i da bos firmi alisersu.

2 Pedru 1:10

Asin ermons, bo fasi forsa kada bias mas pa proba kuma na bardadi bo comadu, bo kujidu. Si bo fasi asin, nunka mas bo ka na kai.

2 Pedru 1:3

Puder di Deus danu tudu ki pirsis pa no tene un vida ku Deus misti, suma ku no kunsi kil ku comanu pa si gloria ku garandesa.

Apokalipsi 17:14

E na geria kontra Karnel; Karnel na ngaña elis, pabia el i Siñor riba di tudu siñoris, Rei riba di tudu reis. Kilis tambi ku sta ku el, ki coma, i kuji, e sedu fiel, e na ngaña tambi.”

Apokalipsi 19:9

Anju falan pa N skirbi asin: “Sortiadu i kilis ku kumbidadu pa festa di kasamenti di Karnel.” I torna falan: “Es i palabra di bardadi ku bin di Deus.”