Atus 2:24 - BIBLIA - traduson antigu in Krioulo

²⁴ ma Deus lantandal, i libertal di agunia di mortu, pabia mortu ka pudiba tenel prezu.

Atus 2:24 ပူးပေါင်းရင်းမြစ်များ

Salmus 116:16

O SIÑOR, N sedu bu katibu; N sedu katibu suma ña mame; bu dismanca korenti ku maran.

Isaias 10:7

El, rei di Asiria, i ka asin ki si pensamentu; i ka el ki tene na sintidu. Si planu i pa dana, pa kaba ku manga di nason.

Isaias 25:8

I na nguli mortu pa sempri. SIÑOR Deus na limpa larma di tudu uju. I na tira borgoña di si pobu na tudu parti di mundu. I SIÑOR ku fala.

Isaias 26:19

Bu mortus na bibu, se kurpus na lanta. Abos ku mora na reia, bo disperta, bo grita ku kontentamentu, pabia bu serenu na sedu suma serenu ku ta arnoba paja. Con na da vida pa ki difuntus ku sta nel.

Isaias 53:10

I SIÑOR ku mistiba molostal, pa fasil pa i sufri; si vida dadu pa purdon di pekadu, ma si vida na kumpridu, i na oja si jorson. Pabia di si tarbaju, planu di SIÑOR na fasidu diritu.

Oseias 13:14

“N na liberta elis di puder di mundu di mortus; N na libra elis di mortu. Mortu, nunde ku bu kastigu sta? Mundu di mortus, nunde bu pirdison? “N ka na muda ña ideia pa N sinti pena.

Mateus 27:63

e falal: “Siñor, no lembra kuma ki nganadur, ocalba inda bibu, i fala kuma, dipus di tris dia i na lanta di mortu.

Bon Noba di Jesus Kristu ku Jon 10:18

Ningin ka ta tiran ña vida, ma i ami propi ku ta dal. N ten puder pa dal, ku puder pa torna tomal. Asin ku ña Pape mandan pa N fasi.”

Bon Noba di Jesus Kristu ku Jon 10:35

Agora, Skritura ka pudi kabadu ku el. Si lei coma deusis kilis ku Deus manda si palabra pa elis,

Bon Noba di Jesus Kristu ku Jon 12:39

Asin e ka pudi fia, suma ku Isaias fala utru bias:

Bon Noba di Jesus Kristu ku Jon 20:9

E ka ntindiba inda Skritura ku fala kuma i pirsis pa Jesus lanta di mortu.

Atus 1:16

“Ermons, kusa ku anunsiadu na Skrituras tenba ku sedu, suma ku Spiritu Santu fala na boka di Davi aserka di Judas, ku seduba gia di kilis ku prindi Jesus;

Atus 13:30

ma Deus lantandal na metadi di mortus.

Atus 13:37

ma kil ku Deus lantanda di mortu, si kurpu ka ciga di podri.

Atus 17:31

pabia i marka un dia ki na bin julga mundu ku justisa, na mon di un omi ki distina pa i fasil. I da tudu jinti sertesa di kuma i na sedu, oca i lantanda ki omi na metadi di mortus.”

Atus 2:32

“E Jesus ku no na fala del, Deus lantandal di mortu. Anos tudu i tustumuñas de kusa.

Atus 3:15

Bo mata Dunu di vida, ma Deus lantandal di mortu. Anos no sedu tustumuñas de kusa.

Atus 3:26

Deus lantanda si servu, i mandal pa bos purmeru, pa i bensua bos, pa i pui kada un di bos rabida di si mau kamiñu.”

Atus 4:10

i bon pa bo sibi, abos tudu ku tudu pobu di Israel, kuma e omi sta sikidu, san bo dianti, na nomi di Jesus Kristu di Nazaré, kil ku bo krusifika, ku Deus lantanda di mortu.

Atus 5:30

Deus di no papes i lantanda Jesus, kil ku bo mata, bo pindra na krus di madera.

Romanus 10:9

kuma, si ku bu boka bu diklara kuma Jesus i Siñor, na bu korson bu fia kuma Deus lantandal na metadi di mortus, bu na sedu salbu.

Romanus 14:9

I pabia des ku Kristu muri, i torna bibu, pa i sedu Siñor di mortus ku bibus.

Romanus 4:24

ma tambi pa nos ku na ojadu justu, anos ku fia na Deus ku lantanda Jesus no Siñor di mortu.

Romanus 6:4

Oca no batisadu, no nteradu ku el na mortu, pa no pudi yanda na nobu vida, suma ku puder gloriosu di Pape lantanda Kristu di mortu.

Romanus 8:11

Si Spiritu di kil ku lantanda Jesus di mortu sta na bos, ki algin ku lantanda Kristu di mortu tambi i na pui vida na bo kurpu mortal, pabia di si Spiritu ku sta na bos.

Romanus 8:34

Kin ku na kondena elis? Kristu Jesus, el ku muri, o minjor, el ku lantandadu na metadi di mortus, el ku sta na mon direita di Deus; tambi i na roga pa nos.

1 Koríntius 15:12

Suma i es ku no na konta, kuma Kristu lantandadu di mortu, kuma ku utrus di bos ta fala kuma resureison di mortu ka ten?

1 Koríntius 15:15

Anos tambi, no ta parsi suma no na konta mintida aserka di Deus, pabia no fala kuma i lantanda Kristu di mortu, ma si na bardadi mortus ka ta lantandadu, tambi Deus ka lantanda Kristu di mortu.

1 Koríntius 15:20

Ma na bardadi Kristu lantandadu di mortu, suma purmeru di kilis ku muri.

1 Koríntius 15:4

I nteradu; na terseru dia i lantandadu di mortu, suma ku Skritura fala.

1 Koríntius 6:14

Deus, ku lantanda Siñor di mortu, tambi i na lantandanu pa si puder.

2 Koríntius 4:14

No sibi kuma kil ku lantanda Siñor Jesus pa vida, i na lantandanu ku el; i na lebanu si dianti juntu ku bos.

Gálatas 1:1

E karta i di mi, Paulu, apostolu. I ka omi ku coman pa N sedu apostolu, nin e comada ka bin pabia di omi, ma i Jesus Kristu ku coman, ku Deus Pape ku lantandal di mortu.

Efésius 1:20

ku Deus usa pa lantanda Kristu di mortu, pa sintandal na si mon direita na mundu selestial,

Kolosensis 2:12

Na batismu bo nteradu ku el; tambi bo lantandadu ku el pabia di bo fe na puder di Deus ku lantandal di mortu.

1 Tesalonisensis 1:10

tambi pa pera si Fiju ku na bin di seu, ku sedu Jesus, ku Deus lantanda di mortu, ku na libranu di raiba di Deus ku na bin.

Ebreus 13:20

N misti pa Deus ku ta da pas, ku lantanda di mortu no Siñor Jesus Kristu, garandi Pastor di karnel, pabia di sangi di kontratu ki fasi ntidu,

Ebreus 2:14

Suma ku fijus ta junta karni ku sangi, asin tambi ku el i junta ne mesmu kusas, pa i pudi muri; pabia di si mortu i pudi vensi kil ku ten puder riba di mortu, ku sedu diabu,

1 Pedru 1:21

I pabia del ku bo fia na Deus ku lantandal na metadi di mortus, i dal gloria, pa bo fe ku bo speransa pudi sta na Deus.

Apokalipsi 1:18

Ami i kil ku bibu; N muriba ma alin li bibu pa tudu sempri. N tene cabi di mortu ku lugar di mortus.