Atus 2:23 - BIBLIA - traduson antigu in Krioulo

²³ Deus sibiba ja ke ku na sedu. Konformi si planu, bo ntregadu Jesus. Bo tomal, bo krusifikal, bo matal pa mon di omis malvadu,

Atus 2:23 ပူးပေါင်းရင်းမြစ်များ

Kumsada 50:20

Bo mistiba fasin mal, ma Deus bidanta ki mal pa ben, pa salba vida di manga di jinti, suma ku bu na oja ne dias.

Salmus 76:10

Bu pudi usa te raiba di omi pa pui jinti ngabau; raiba ku sobra, bu ta maral.

Isaias 37:26

“‘Nta bu ka obi kuma N tarda marka e kusa? Disna di tempu mas antigu N pensalba ja. Gosi N kumpril, N pui pa bu bidanta prasas forti muntudu.

Daniel 4:35

Tudu moraduris di mundu ojadu suma nada si dianti. I ta fasi konformi ki misti ku puderis di seu, ku moraduris di tera. I ka ten kin ku pudi paral si mon, ku fadi pa puntal: “Ke ku bu na fasi?”

Mateus 20:19

E na ntregal na mon di jinti ki ka judeu. E na fasil trosa, e na sutal, e pregal na krus, ma dipus di tris dia i na lantandadu di mortu.”

Mateus 26:24

Na bardadi, Fiju di omi na bai suma ku Skritura fala del, ma koitadi di ki omi ku na falsial. I ta minjor pa ki algin, si i ka padiduba.”

Mateus 27:35

Dipus de krusifikal, e juga sorti pa rapati si ropa, [pa i pudi sedu suma ku anunsiadur fala: “E rapati ña ropa entri elis; e juga sorti riba di ña kamisoti.”]

Markus 15:24

Ki ora e krusifikal; e rapati si ropa entri elis; e juga pa jubi ke ku kada kin na leba.

Lukas 22:22

Na bardadi, Fiju di omi na bai suma ki sta markadu pa el, ma koitadi di ki omi ku falsial!”

Lukas 22:37

pabia N na konta bos, i pirsis pa i sedu na mi kil ku sta skritu, kuma: ‘I juntadu ku kilis ku na fasi mal.’ Sin, kil ku sta skritu di mi ten ku sedu.”

Lukas 23:33

Oca e ciga na lugar comadu Kaku di Kabesa, la ke krusifikal, ku ki kriminosus, un son na direita, utru na skerda.

Lukas 24:20

Ŝefis di saserdoti ku no otridadis ntregal pa i kondenadu pa mortu; e krusifikal.

Bon Noba di Jesus Kristu ku Jon 19:18

E krusifikal na ki kau juntu ku mas dus omi, un na kada ladu ku Jesus na metadi.

Bon Noba di Jesus Kristu ku Jon 19:24

Ki soldadus fala ŋutru: “Ka no rumpil, ma no juga sorti pa jubi kin ku na fika ku el.” Es i pa i sedu suma ku Skritura fala: “E rapati ña ropa entri elis; e juga sorti riba di ña kamisoti.” Asin ku soldadus fasi.

Atus 13:27

Jinti ku mora na Jerusalen ku se otridadis e ka rapara kin ki Jesus. Manera ke kondenal, e na kumpriba palabra di anunsiaduris ku ta leidu kada dia di diskansu.

Atus 15:18

ku tarda kunsidu.’

Atus 2:36

E ku manda i bon pa tudu pobu di Israel sibi sertu kuma, e Jesus ku bo prega na krus, Deus fasil Siñor, i fasil Kristu tambi.”

Atus 3:18

Ma i asin ku Deus fasi kil ki tarda fala na boka di tudu si anunsiaduris, kuma Kristu ten ku sufri.

Atus 4:28

E lanta pa fasi tudu ku bu puder ku bu vontadi markaba ja pa i kontisi.

Atus 5:28

“Nta no ka tujiba bos pa ka bo nsina na ki nomi? Ma bo inci Jerusalen ku bo nsinamentu. Tambi bo misti kulpanu di mortu di ki omi.”

Atus 5:30

Deus di no papes i lantanda Jesus, kil ku bo mata, bo pindra na krus di madera.

Atus 7:52

Kal anunsiadur ku bo papes ka pirsigi? Tok e mata kilis ku jumna konta kuma ki Algin Justu na bin, kil ku bo falsia, bo mata ne dias.

Romanus 2:12

Tudu kilis ku peka sin lei di Deus, e na pirdi sin lei. Tudu kilis tambi ku sibi lei di Deus, e peka, lei na julga elis.

Romanus 4:17

Libru di Deus fala: “N fasiu pape di manga di nason.” E purmesa sta dianti di uju di kil ku Abraon fiaba nel, ku sedu Deus, kil ku ta da vida pa mortus, ku ta coma kusas ki ka ten suma ki ten.

1 Tesalonisensis 2:15

ku mata Siñor Jesus, ku anunsiaduris, e serkanu tambi. E ta tristisi Deus, e sedu inimigu di tudu jinti.

1 Pedru 1:2

Deus pui sintidu na bos desdi antigamenti, i kuji bos, i fasi bos si pobu pa meiu di si Spiritu, pa bo pudi obdisi, pa sangi di Jesus Kristu pudi limpa bos. N misti pa Deus buri riba di bos manga di fabur ku pas.

1 Pedru 1:20

Na bardadi i kujidu antis di mundu kumpudu, ma i parsi ne tempu di kabantada pa amor di bos.

1 Pedru 2:8

Tambi i sta skritu kuma i “Pedra ku ta pui algin da tapada, un roca ku ta fasi algin kai.” E ta da tapada pabia e ka obdisi palabra. Asin ki distinadu pa elis.

Judas 1:4

Utru jinti ku nega Deus e ranja-ranja manera di yentra, e tursi palabra ku konta aserka di fabur di no Deus, pa i sedu diskulpa di se mau vida; e nega Jesus Kristu, kil son ku ta manda, ku sedu no Siñor. Disna, Skritura jumna konta e kondenason ke sta nel.

Apokalipsi 13:8

Tudu jinti ku sta na tera adoral, menus kilis ku se nomi sta skritu disna di kumsada di mundu na libru di Karnel ku matadu, ki libru ku tene nomi di jinti ku tene vida.