Atus 2:11 - BIBLIA - traduson antigu in Krioulo

¹¹ utrus di Kreta ku Arabia, anos tudu no obi elis na no lingua propi e na fala di kusas garandi ku Deus fasi!”

Atus 2:11 ပူးပေါင်းရင်းမြစ်များ

1 Reis 10:15

fora di mpustu ku nogosiantis ta paga, ku kilis ku ta fasi nogos na utru teras. Reis di Arabia ku gubernaduris di reẑion e ta pagaba mpustu tambi.

2 Kronikas 17:11

Utru filisteus tisi pursentis pa Jeosafá, fora di prata pa paga mpustu. Jinti di Arabia e tisil limarias — 7.700 karnel macu ku 7.700 kabra macu.

2 Kronikas 26:7

Deus judal kontra filisteus, kontra jinti di Arabia ku moraba na Gur-Baal, tambi kontra meunitas.

Jo 9:10

I ta fasi garandi kusas ku ka pudi ntindidu, ku milagris ciu tok i pasa.

Salmus 107:15

I bon pa e gardisi SIÑOR pa si bondadi, ku kusas garandi ki fasi pa jinti,

Salmus 107:21

I bon pa e gardisi SIÑOR pa si bondadi, pa kusas garandi ki fasi pa jinti.

Salmus 107:8

I bon pa e gardisi SIÑOR pa si bondadi, ku kusas garandi ki fasi pa jinti,

Salmus 111:4

I ta pui kusas garandi ki fasi pa e lembradu. SIÑOR i bon, i ta sinti pena.

Salmus 136:4

El son ku ta fasi garandi milagris. Si bondadi i pa sempri.

Salmus 26:7

pa kanta ku vos altu pa ngabau, pa konta tudu kusa maravilyosu ku bu fasi.

Salmus 40:5

SIÑOR ña Deus, kusas garandi ku bu fasi pa nos i ciu dimas. I ka ten ningin suma bo! Tambi bu tene planus pa nos; N mistiba papia pa anunsia aserka delis, ma e ciu dimas pa konta.

Salmus 71:17

O Deus, bu nsinan disna di ocan rapas; te aos N ta diklara kusas garandi ku bu fasi.

Salmus 77:11

SIÑOR, N na lembra di kusas ku bu fasi. Sin, N na lembra di bu milagris di tempu antigu.

Salmus 78:4

no ka na sukundi elis di se fijus, ma no na nsina fijus di futuru pa e ngaba SIÑOR, no konta elis di si puder ku milagris ki fasi.

Salmus 89:5

O SIÑOR, seu na ngaba kusas garandi ku bu fasi, i na konta tambi, na juntamentu di bu pobu, kuma abo i fiel.

Salmus 96:3

Bo diklara si gloria na metadi di nasons; bo konta tudu rasas kusas garandi ki fasi.

Saida 15:11

O SIÑOR, na metadi di deusis, kin ku sedu suma bo? Kin ki suma bo ki garandi dimas na puresa, ku ta ngabadu ku medu, ku ta fasi milagris?

Isaias 13:20

Nunka mas ningin ka na mora nel, nin i ka na kumpudu mas; nin un algin di Arabia ka na mara si tenda la, ku fadi bakiaduris pa pui se karnel diskansa la.

Isaias 21:13

Es i rekadu di Deus aserka di Arabia. Abos, jinti di Dedanin ku sta na bias, bo na pasa noti na matu di Arabia.

Isaias 25:1

O SIÑOR, abo i ña Deus; N na garandisiu, N na ngaba bu nomi, pabia bu fasi kusas di dimira. Bu sedu fiel pa kumpri planus ku bu fasi na tempu antigu; e ka pudi maina.

Isaias 28:29

Es i bin di SIÑOR ku ten tudu puder, ku ta fasi planus maravilyosu ku kusas garandi.

Jeremias 25:24

tudu reis di Arabia; tudu reis di mistura di rasas ku sinta na lala;

Jeremias 3:2

Yalsa uju pa kaus altu, bu jubi. Nta i ten kau ku bu ka bindi kurpu nel? Bu ta sintaba na kamiñu pa pera amantis, suma yandadur na lala ku na pera kilis ku sta na bias, pa ataka elis. Asin bu kontamina tera ku bu mau vida ku bu maldadi.

Atus 2:10

Fríẑia, Panfília, Ejitu ku reẑions di Libia ku fika pertu di Sireni, stranjerus di Roma, judeus, tudu ku kilis ku seta riliẑion di judeus,

Atus 2:12

Tudu elis e dimira, e ka sibi ke ke na pensa. E na punta ŋutru: “Es i ke?”

Atus 27:12

Suma ku ki purtu i ka bon ba pa pasa cuba, mas parti di jinti staba a fabur di sai di la pa jubi si e ta pudi ciga na Feniŝ, un purtu di Kreta ku ta oja pa ladu di bentu di Afrika ku di Koru, pa e pudi pasa cuba la.

Atus 27:13

Bentu fresku na supraba di ladu di sul. E kuda kuma e na yangasa ke ke misti, e tira fundiadera, e bai ku vela, e fika e na ngosta pertu di Kreta.

Atus 27:7

No bai divagar manga di dia; ku garandi kansera no ciga pertu di Nidu. Bentu ka disanu bai mas dianti; no bai ngostadu tras di jiu di Kreta, pertu di Salmoni.

1 Koríntius 12:10

utru tambi, Spiritu ta dal puder di fasi milagris; utru, i ta dal don di anunsia rekadu di Deus; utru, i ta dal puder di rapara koldadi spiritu; utru, i ta dal puder pa fala na linguas ki ka obi; utru, i ta dal manera di splika ki linguas.

1 Koríntius 12:28

Na purmeru lugar Deus pui na igreẑa apostolus; na sugundu lugar anunsiaduris; na terseru, pursoris; dipus, kilis ku ta fasi milagris; dipus, kilis ku dadu puder di kura, o di juda utrus, o di guberna na igreẑa, o di fala linguas ke ka obi.

Gálatas 1:17

nin N ka bai Jerusalen pa oja ku ki utrus ku seduba ja apostolus antis di mi, ma N bai Arabia; dipus N riba utru bias pa Damasku.

Gálatas 4:25

Sinai i un monti na Arabia ku parsintidu ku Jerusalen di gosi, pabia el ku si jinti e sta na katiberasku,

Titu 1:12

Un omi di Kreta ku sedu se diviñadur propi i fala: “Jinti di Kreta sempri i munturus, brutus mau, wuku prigisosu.”

Titu 1:5

N fikau na Kreta pa bu pudi pui na ordi kusas ku falta inda, pa bu kuji presbíterus na kada tabanka. Suma ku N mandau,

Ebreus 2:4

Deus junta si tustumuñu juntu ku di selis, manera ki fasi manga di koldadi sinal ku milagri, i rapati tambi dons di Spiritu Santu suma ki misti.