Atus 19:4 - BIBLIA - traduson antigu in Krioulo

⁴ Paulu fala elis: “Batismu di Jon seduba un sinal kuma algin ripindi. Jon fala pobu pa e pui se fiansa na kil ku na bin si tras, ku sedu Jesus.”

Atus 19:4 ပူးပေါင်းရင်းမြစ်များ

Bon Noba di Jesus Kristu ku Jon 1:15

Jon papia ku vos altu aserka di Jesus, i fala: “Es li i kil ku N fala bos: ‘Kil ku na bin dipus di mi i mas mi, pabia el i seduba purmeru di ki mi.’ ”

Bon Noba di Jesus Kristu ku Jon 1:26

Jon ruspundi elis i fala: “Ami N ta batisa ku yagu, ma i ten algin na bo metadi ku bo ka kunsi.

Bon Noba di Jesus Kristu ku Jon 1:27

Ki algin i na bin dipus di mi. Ami N ka mersi dismanca korda di si sandalia.”

Bon Noba di Jesus Kristu ku Jon 1:7

Ki Jon i bin suma tustumuña pa konta aserka de lus, pa tudu jinti pudi fia pabia di si palabra.

Atus 1:5

pabia, na bardadi, Jon ta batisaba ku yagu, ma abos bo na batisadu ku Spiritu Santu dentru de puku dias.”

Atus 11:16

Na ki ora N lembra di palabra ku Siñor fala: ‘Na bardadi Jon batisa ku yagu, ma abos bo na batisadu ku Spiritu Santu.’