Atus 16:16 - BIBLIA - traduson antigu in Krioulo

¹⁶ Un dia, oca ku no na bai pa lugar di orason, no kontra ku un bajuda ku teneba spiritu di diviña. I ta ngañaba manga di diñeru pa si mestres ku si diviñason.

Atus 16:16 ပူးပေါင်းရင်းမြစ်များ

2 Reis 21:6

I sakrifika si fiju na fugu; i ta diviñaba pa nuvens, i seduba pauteru, i ta konsultaba difuntus ku botaduris di sorti. I pega fasi mal dianti di SIÑOR, i lantanda si raiba.

1 Kronikas 10:13

Asin Saul muri pabia i ka seduba fiel pa SIÑOR; i kebra lei di SIÑOR, i ka guarda si palabra. I bai buska konsiju na mon di minjer ku ta papia ku spiritus di jinti ku muri,

Isaias 8:19

Jinti pudi fala bos pa bo bai punta diviñaduris ku jinti ku ta papia ku mortus, ku ta subia suma kacus o e bulbuli boka suma e na papia. Nta jinti ka dibi di punta se Deus? Mortus ta puntadu pa fabur di bibus?

Sirmonias 19:31

“Ka bo bai buska diviñaduris nin kilis ku ta konsulta spiritus di jinti ku muri. Si bo fasi asin, bo na kontamina ku elis. Ami i SIÑOR bo Deus.

Sirmonias 20:27

“Si un omi o minjer tene spiritu di jambakus, o i sedu algin ku ta konsulta mortus, i ten ku muri. Bo na da elis ku pedras; se sangi na sta riba delis.”

Sirmonias 20:6

“Algin ku sedu infiel pa mi, i bai pa jambakus o pa jinti ku ta konsulta mortus, i sigi elis, ami N na vira kontra ki algin, N na tiral na metadi di si pobu.

Atus 16:13

Na dia di diskansu no sai na porton di prasa pa roda di riu, nunde ku no kuda kuma i pudi ten un lugar di orason. No sinta, no na papiaba ku minjeris ku junta la.

Atus 16:18

I fasi asin ku nos pa manga di dia, tok Paulu ka pudi nguental mas; i rabida pa el, i fala spiritu: “N na dau ordi na nomi di Jesus Kristu pa bu sai nel!” Na ki ora i sai.

Atus 16:19

Oca si mestres oja kuma e pirdi speransa di ngaña diñeru, e prindi Paulu ku Silas, e rasta elis te na metadi di prasa dianti di otridadis.

Atus 19:24

Un urivi comadu Demétriu i ta tomaba prata, i kumpu kusas pikininu na forma di baloba di Diana. Ki nogos ta daba loibes garandi lukru.

Gálatas 5:20

adora idulus, futis, inimisadi, jus, kumbosadia, raiba, geras, junda-junda, rapatimentu di partidus,

1 Timótiu 6:10

Amor pa diñeru i rais di tudu koldadi mal. Utru jinti buskal tok e disvia na fe; e fidi se vida ku manga di dur.

2 Timótiu 3:8

Suma ku Janes ku Jambres purfiaba ku Moisés, asin tambi esis ta purfia ku bardadi, e pirdi ntindimentu, e raproba na fe.

2 Pedru 2:3

Ku vontadi di ngaña diñeru e ta splora bos ku palabra di mintida. Se julgamentu ku markadu disna i ka na tarda. Se pirdison na pera elis ku uju abertu.

1 Samuel 28:3

Samuel muriba ja; tudu Israel coral, e nteral na si prasa di Ramá. Saul serkaba ja na tera di Israel tudu jambakus ku kilis ku ta konsulta difuntus.

1 Samuel 28:7

I fala si ŝefis: “Bo buskan un minjer ku ta konsulta difuntus, pa N pudi bai puntal.” E falal kuma i ten un son na Endor.