Atus 13:5 - BIBLIA - traduson antigu in Krioulo

⁵ Oca ke ciga na Salamina, e konta palabra di Deus na kasa di juntamentu di judeus. E lebaba Jon suma se judadur.

Atus 13:5 ပူးပေါင်းရင်းမြစ်များ

1 Reis 19:21

Asin i riba, i toma si dus turu, i mata elis; i fasi ki kanga di turu pa i sedu leña pa kusña karni. I da pobu karni; e kume. Dipus i lanta i pega tras di Elias, i sedu si judadur.

1 Reis 19:3

Elias sinti medu, i lanta, i kuri pa kapli ku si vida. I ciga na Berseba, na tera di Judá, i fika si rapas la,

2 Reis 3:11

Jeosafá punta: “I ka ten li un anunsiadur di SIÑOR ku pudi konsulta SIÑOR pa nos?” Un di ŝefis di rei di Israel fala: “I sta li Eliseu, fiju di Safat, ku ta wagaba yagu riba di mon di Elias.”

Saida 24:13

Moisés ku Josué, si judadur, e lanta e purpara; Moisés subi na monti di Deus.

Mateus 20:26

ma na bo metadi i ka asin ki na sedu. Kil ku misti sedu garandi na bos, el i na sedu bo sirbidur.

Atus 12:12

Dipus di ntindi klaru, i bai pa kasa di Maria, mame di Jon ku tene tambi nomi di Markus, nunde ku manga di jinti juntaba, e na ora.

Atus 12:25

Barnabé ku Saulu kaba ki sirvis di leba oferta pa Jerusalen, e riba di la, e leba Jon ku ta comadu Markus juntu ku elis.

Atus 13:14

E sai di Perji, e ciga na Antiokia, na reẑion di Pisídia. E yentra na kasa di juntamentu na dia di diskansu, e sinta.

Atus 13:46

Paulu ku Barnabé papia ku koraẑen, e fala: “I pirsis ba pa bo kontadu palabra di Deus purmeru, ma suma ku bo nega, bo oja kuma bo ka sedu mersidur di vida ku ka ta kaba, asin no na rabida pa jinti ku ka sedu judeus,

Atus 14:1

Na Ikóniu Paulu ku Barnabé yentra juntu na kasa di juntamentu di judeus, e papia ku garandi puder, manera ku manga di jinti seta, judeus tudu ku gregus,

Atus 15:37

Barnabé mistiba pa e leba Jon Markus ku elis,

Atus 17:17

Asin, i ta diskutiba na kasa di juntamentu ku judeus ku gregus riliẑiosu; na prasa tambi, tudu dia, ku kilis ku ta staba la.

Atus 18:4

Kada dia di diskansu i ta diskutiba na kasa di juntamentu; i ta buskaba konvensi judeus ku gregus.

Atus 19:22

I manda dus di si judaduris, Timótiu ku Erastu, pa Masedonia. El i tarda un bokadu na Asia.

Atus 19:29

Tudu prasa fika turmentadu. Jinti paña Gaiu ku Aristarku di Masedonia, kumpañeris di Paulu na bias, e kuri ku elis pa salon di tiatru.

Atus 19:8

Paulu ten tris mis i na fala ku koraẑen na kasa di juntamentu, i na diskuti pa konvensi elis na kusa di renu di Deus.

Atus 9:20

I kumsa janan na konta na kasa di juntamentu kuma Jesus i Fiju di Deus.

Kolosensis 4:10

Aristarku, ku sta prezu juntu ku mi, manda bos manteña, ku Markus tambi, parenti di Barnabé, ku N mandaba konta bos aserka del, pa bo risibil si i bai nunde bos.

2 Timótiu 4:11

Son Lukas ku sta ku mi. Coma Markus, bu bin ku el, pabia i pudi judan na tarbaju.