Atus 13:2 - BIBLIA - traduson antigu in Krioulo

² Oca ke na adora Deus, e na junjuŋa, Spiritu Santu fala: “Bo separan Barnabé ku Saulu pa tarbaju ku N coma elis pa el.”

Atus 13:2 ပူးပေါင်းရင်းမြစ်များ

1 Kronikas 16:4

Davi kuji utru levitas pa e fasi sirvis dianti di arka di SIÑOR, pa kanta, pa gardisi, pa ngaba SIÑOR Deus di Israel.

Daniel 9:3

N pui ña sintidu na SIÑOR Deus, N buskal na orason, ku rogus, ku junjun; N bisti saku, N sinta na sinsa.

Mateus 17:21

Ma e koldadi dimoniu i ta serkadu son ku forsa di orason ku junjun.]”

Mateus 6:16

“Ora ku bo junjuŋa, ka bo mostra tristesa na bo rostu suma finjiduris, pabia e ta mostra tristesa na se rostu pa jinti pudi sibi kuma e na junjuŋa. Na bardadi N na konta bos kuma e risibi ja se pagamentu.

Mateus 9:38

Bo pidi Siñor, ki Dunu di kebur, pa i manda tarbajaduris pa si kebur.”

Lukas 10:1

Dipus, Siñor kuji mas setenta disipulu, i manda elis dus dus pa e bai dianti pa tudu prasa ku lugaris nunde ki tenba ku bai.

Lukas 2:37

I fika viuva tok i tene kuas oitenta i kuatru anu. I ka ta lunjusi di kasa di Deus, i ta adoraba Deus di noti ku di dia, ku junjun ku orason.

Atus 10:19

Oca Pedru inda na kuda na ki vison, Spiritu falal: “Ala tris omi na buskau.

Atus 10:30

Kornéliu falal: “I fasi aos kuatru dia ku N staba na junjun, N na ora na ña kasa ne ora, tris ora di tardi.

Atus 13:3

E torna junjuŋa, e ora, e pui mon riba delis, e dispidi elis.

Atus 13:4

Asin ki dus ku Spiritu Santu manda e bai pa Seleusia. Di la e mbarka pa jiu di Ŝipri.

Atus 14:26

Di la e mbarka pa Antiokia di Siria, nunde ku, na kumsada, e ntregaduba pa grasa di Deus pa tarbaju ke kaba di fasi gosi.

Atus 20:28

Asin, bo toma sintidu ku bo kabesa, ku ki grupu di krentis ku Spiritu Santu fasi bos garandis riba del, pa bo pudi sedu pastoris ku na alimenta igreẑa di Deus, ki liberta ku si sangi propi.

Atus 22:21

Siñor falan: ‘Bai, pabia N na mandau lunju pa jinti ku ka sedu judeu.’ ”

Atus 4:36

I tenba un omi di jorson di Levi comadu José, ku apostolus da nomi di Barnabé, ku signifika kil ku ta da animu; el i padidu na Ŝipri.

Atus 6:4

ma anos no ta pega tesu na orason ku tarbaju di konta palabra.”

Atus 8:29

Spiritu fala Filip: “Ciga, bu bai pertu ki karu.”

Atus 9:15

Siñor falal: “Bai, pabia e omi li i un servu ku N kuji pa i leba ña nomi dianti di jintius, ku reis, ku pobu di Israel.

Romanus 1:1

Ami Paulu, servu di Kristu Jesus, comadu pa sedu apostolu, separadu pa prega Bon Noba di Deus, N na skirbi pa bos na Roma.

Romanus 10:15

Kuma ke na konta si e ka mandadu? Suma ki sta skritu: “Bonitu i pes di kilis ku ta konta Bon Noba!”

Romanus 15:16

pa N sedu servu di Jesus Kristu pa leba si palabra pa jintius, pa N tarbaja na anunsiu di Bon Noba di Deus, pa jintius pudi setadu suma oferta ku Spiritu Santu santifika.

1 Koríntius 12:11

Tudu e dons i di un mesmu Spiritu. I el ku ta da kada kin na manera ki misti.

1 Koríntius 7:5

Bo ka dibi di nega vontadi di ŋutru, son si bo konkorda pa lunjusi di ŋutru un bokadu, pa da tempu pa orason. Dipus, bo ta junta mas, pa ka Satanas tenta bos si bo ten falta di disiplina.

2 Koríntius 11:27

N tarbaja ku fadiga, manga di bias sin durmi, ku fomi, ku sedi. N junjuŋa manga di bias; N sufri friu ku falta di ropa.

2 Koríntius 6:5

No sutadu, no prindidu; jinti junta na nos; no tarbaja ciu, utru ora ku fomi, ku falta di sonu.

Gálatas 1:15

Deus kujin antis di N padidu, i coman pa si fabur.

Efésius 3:7

N fasidu servu pa konta e Bon Noba. N ka mersiba e fabur, ma i Deus ku dan el, suma ku si puder na tarbaja na mi.

Ripitison di Lei 10:8

Na ki tempu SIÑOR separa jorson di Levi pa e leba arka di kontratu di SIÑOR, pa e firma si dianti pa sirbil suma saserdotis, pa bensua jinti na si nomi. E ta fasi kila te aos.

Kolosensis 4:17

Bo fala Arkipu pa i pui sintidu pa kabanta tarbaju ki dadu na sirvis di Siñor.

1 Timótiu 2:7

E ku manda N fasidu mestre ku apostolu, pa N nsina jintius aserka di fe di bardadi. (N na konta bardadi; N ka na konta mintida.)

2 Timótiu 1:11

Deus distinan pa N sedu apostolu ku pursor pa konta e Bon Noba.

2 Timótiu 2:2

Bu obi ña nsinamentu dianti di manga di tustumuña. Da ki nsinamentu pa omis fiel, ku sedu kapas tambi di nsina utrus.

2 Timótiu 4:11

Son Lukas ku sta ku mi. Coma Markus, bu bin ku el, pabia i pudi judan na tarbaju.

2 Timótiu 4:5

ma abo, fika kalmu na tudu ku na kontisi, bu sufri kansera, bu fasi tarbaju di un ivanjelista, bu fasi tudu sirvis ku bu comadu pa el.

Ebreus 5:4

Ningin ka ta toma e lugar di rispitu pa si kabesa, ma i Deus ku ta comal, suma ki coma Aron.

1 Samuel 2:11

Elkana bai pa si kasa na Ramá, ma mininu fika na mon di saserdoti Eli, i na sirbi SIÑOR.