Atus 1:9 - BIBLIA - traduson antigu in Krioulo

⁹ Oca ki fala e kusa, e fika e na jubil, i na lebadu pa riba; nuven kontra ku el, i kubril di se uju.

Atus 1:9 ပူးပေါင်းရင်းမြစ်များ

Salmus 68:18

Bu subi na kau altu, bu leba manga di katibu ku bo; bu risibi ofertas di omis, mesmu di disobdientis, pa abo, SIÑOR Deus, bu pudi mora la.

Saida 19:9

SIÑOR fala Moisés: “Ami N na bin pa bo na nuven sukuru pa N pudi papia ku bo pa pobu obi, pa e pudi fia na bo pa sempri.” Moisés konta SIÑOR ke ku pobu fala.

Saida 34:5

SIÑOR ria na nuven, i firma la lungu del, i anunsia si nomi, ku sedu SIÑOR.

Isaias 19:1

Es i rekadu di Deus aserka di Ejitu. Jubi, SIÑOR na bin dipresa, montadu riba di nuven; i na bin pa Ejitu. Idulus di Ejitu na tirmi si dianti; koraẑen di ejipsius na ribi dentru delis.

Daniel 7:13

Na ña visons di noti, N fika N na jubi, N oja un algin suma fiju di omi ku na bin na nuvens di seu. I bai pa kil ku staba sempri bibu, i pursentadu si dianti.

Markus 16:19

Dipus di Siñor Jesus papia ku elis, i lebadu pa seu, i sinta na mon direita di Deus.

Lukas 21:27

Na ki ora e na oja Fiju di omi na bin na un nuven, ku puder, ku garandi gloria.

Bon Noba di Jesus Kristu ku Jon 6:62

Ke ku ta sedu si bo oja Fiju di omi na subi pa nunde ki staba nel purmeru?

Atus 1:11

e punta elis: “Omis di Galileia, pa ke ku bo sikidu, bo na jubi pa seu? E Jesus ku lebadu na bo metadi pa seu i ten ku bin suma manera ku bo ojal i na bai pa seu.”

Atus 1:2

te dia ki lebadu pa seu, dipus ki da ordi na puder di Spiritu Santu pa apostolus ki kujiba.

1 Tesalonisensis 4:17

Dipus, anos ku sta inda bibu, no na rabatadu juntu ku elis na nuven, pa kontra ku Siñor na ar. Asin no ta sta juntu ku Siñor pa sempri.

1 Timótiu 3:16

I ka ten duvida kuma sigridu di no fe i fundu: “Kil ku parsi na kurpu di omi, na si spiritu i mostradu justu; anjus ojal; tudu rasa kontadu aserka del; jinti di tudu mundu fia nel; i risibidu na gloria na seu.”

Apokalipsi 1:7

Bo jubi, i na bin ku nuvens. Tudu jinti na ojal, te kilis ku furalba kurpu. Tudu rasas na mundu na cora riba del. Asin ki na sedu. Amen.

Apokalipsi 11:12

E obi un garandi vos ku bin di seu, i fala elis: “Bo subi pa li.” E subi na seu na nuven, na uju di se inimigus.

Apokalipsi 14:4

Esis i kilis ku ka susa se vida ku minjeris, pabia e sedu virẑen. I elis ku ta yanda tras di Karnel pa tudu ladu ki na bai. I sedu kilis ku kumpradu na metadi di jintif pa e sedu purmeru oferta pa Deus ku Karnel.