Atus 1:4 - BIBLIA - traduson antigu in Krioulo

⁴ Oca i sta ku elis, i da ordi pa ka e sai na Jerusalen, i fala: “Bo pera kil ku ña Pape fala i na da bos, suma ku bo obil na ña boka,

Atus 1:4 ပူးပေါင်းရင်းမြစ်များ

Numerus 9:22

Si nuven para riba di tabernakulu dus dia, o un mis, o un anu, tementi i ka lanta, fijus di Israel ta fika, e ka ta bai, ma si nuven lanta, e ta bai.

Mateus 10:20

I ka abos ku na papia, ma Spiritu di bo Pape, el ku na papia na bos.

Lukas 11:13

Si abos ku sedu mau bo sibi da bon kusas pa bo fijus, ku fadi bo Pape ku sta na seu i ten ku da Spiritu Santu pa kilis ku pidil.”

Lukas 12:12

pabia Spiritu Santu na nsina bos na ki ora ke ku bo dibi di fala.”

Lukas 24:49

Ami N na manda riba di bos kil ku ña Pape fala i na da. Bo fika na prasa di Jerusalen tok puder di seu bin riba di bos.”

Bon Noba di Jesus Kristu ku Jon 14:16

N na pidi ña Pape; el i ta da bos utru Judadur ku na fika ku bos pa sempri,

Bon Noba di Jesus Kristu ku Jon 15:26

Ora ku Judadur bin, ku N na bin manda bos di parti di ña Pape, ki Spiritu di bardadi ku ta bin di ña Pape, el i na konta aserka di mi.

Bon Noba di Jesus Kristu ku Jon 20:22

Oca i kaba fala e kusa, i supra riba delis, i fala elis: “Bo risibi Spiritu Santu.

Bon Noba di Jesus Kristu ku Jon 7:39

Jesus na falaba aserka di Spiritu Santu ku tudu jinti ku setal na risibi; pabia Spiritu ka dadu inda, suma ku Jesus ka glorifikaduba inda.

Atus 10:41

I ka tudu jinti ku ojal, son tustumuñas ku Deus kujiba ja, ku sedu anos ku kume no bibi ku el juntu dipus ki lanta di mortu.

Atus 2:33

Manera ki sta ja riba, na mon direita di Deus si Pape, i risibi na si mon Spiritu Santu ku Deus falaba i na manda; i darma e kusa ku bo na oja gosi, bo na obil.