Atus 1:14 - BIBLIA - traduson antigu in Krioulo

¹⁴ E kontinua tudu juntadu na orason, ku minjeris, ku Maria, mame di Jesus, ku ermons di Jesus.

Atus 1:14 ပူးပေါင်းရင်းမြစ်များ

Mateus 12:46

Oca Jesus na papiaba inda ku jinti, si mame ku si ermons ciga, e sikidu fora, e misti papia ku el.

Mateus 21:22

Tudu kil ku bo pidi na orason, si bo fia, bo na risibil.”

Mateus 27:55

Manga di minjer staba la, e na jubi di lunju. E binba ku Jesus desdi Galileia pa judal.

Markus 15:40

Tambi i staba la utru minjeris ku na jubi di lunju, suma Maria Madalena, Salomé, ku Maria, mame di Tiagusiñu ku José.

Markus 16:1

Oca dia di diskansu pasa, Maria Madalena, Salomé ku Maria, mame di Tiagu, e kumpra purfumu pa bai unta kurpu di Jesus.

Lukas 11:13

Si abos ku sedu mau bo sibi da bon kusas pa bo fijus, ku fadi bo Pape ku sta na seu i ten ku da Spiritu Santu pa kilis ku pidil.”

Lukas 18:1

Dipus, Jesus da elis un komparason pa mostra elis kuma e dibi di ora sempri, sin disanima.

Lukas 23:49

Tudu kilis ku kunsi Jesus, ku minjeris ku binba ku el di Galileia, e staba un bokadu lunju, e na jubi e kusas.

Lukas 23:55

Minjeris ku binba ku el di Galileia e bai tras di José, e oja koba, kuma ku kurpu pudu la.

Lukas 24:10

I seduba Maria Madalena, Joana ku Maria, mame di Tiagu, ku utrus ku staba ku elis, ku konta apostolus e kusas.

Lukas 24:33

E lanta janan, e riba pa Jerusalen. E oja ki onzi juntadu ku utru jinti ku staba ku elis,

Lukas 24:53

E ta staba sempri na kasa di Deus, e na ngaba Deus, e na gardisil.

Lukas 8:20

Utrus fala Jesus: “Ala bu mame ku bu ermons sikidu la fora, e misti ojau.”

Atus 2:1

Oca dia di Pentekostis ciga, e staba tudu juntadu na mesmu lugar.

Atus 2:42

E kontinua sempri na risibi nsinamentu di apostolus; e ta tenba sempri kumuñon ku ŋutru; e ta rapati pon juntu, e fasi orason.

Atus 2:46

E kontinua junta na kasa di Deus kada dia, ku un sintidu son; e ta rapati pon na kasa, e ta kume juntu ku kontentamentu, di korson limpu,

Atus 6:4

ma anos no ta pega tesu na orason ku tarbaju di konta palabra.”

Romanus 12:12

Bo kontenti na speransa ku bo ten, bo ten pasensa na foronta, bo pega tesu na orason.

1 Koríntius 14:13

Algin ku ta papia lingua strañu dibi di ora pa Deus dal puder di splika ke ki na papia.

Efésius 6:18

Bo pui bo sintidu na orason ku pididu; bo ora tudu tempu na puder di Spiritu. Pa mesmu fin bo bisia, bo ora sin para, bo pidi sempri pa tudu pobu di Deus.

Kolosensis 4:2

Bo pega tesu na orason; bo yabri sintidu nel pa bisia; bo fala Deus obrigadu.