Apokalipsi 8:11 - BIBLIA - traduson antigu in Krioulo

¹¹ Nomi di ki strela i coma Amargura. Tersa parti di yagu bida malgos. Manga di jinti muri pabia di ki yagu, suma i bida venenu.

Apokalipsi 8:11 ပူးပေါင်းရင်းမြစ်များ

Saida 15:23

Oca ke ciga na Mara, e ka pudi bibi ki yagu, pabia i malgos. Pabia di kila i comadu Mara.

Ditus 5:4

ma na kabantada i malgos suma fel, i ta fidi suma faka ku moladu na dus ladu.

Jeremias 23:15

Pabia di kila, SIÑOR ku ten tudu puder fala aserka di anunsiaduris: “N na da elis un planta malgos pa e kume, ku yagu di venenu pa e bibi, pabia anunsiaduris di Jerusalen e kontamina tudu tera.”

Jeremias 9:15

Pabia di kila, ami, SIÑOR ku ten tudu puder, Deus di Israel, N fala: N na da ña pobu un planta malgos pa e kume, ku yagu di venenu pa e bibi.

Miskiñu di Jeremias 3:19

Lembra di ña kastigu ku ña yanda-yanda, ku ña venenu malgos.

Miskiñu di Jeremias 3:5

I tajan ku mura di kastigu malgos.

Amos 5:7

Bo pui justisa bida venenu, pabia bo nega fasi justisa sertu pa jinti.

Amos 6:12

Nta kabalus pudi kuri na pedras garandi? Algin pudi labra la ku bakas? Ma abos bo bidanta justisa venenu; bo pui retidon pa i sedu kusa malgos.

Zakarias 13:8

SIÑOR fala: “Na tudu tera dus parti di pobu na kabadu ku el, ma ki terseru parti na sobra na tera.

Zakarias 13:9

N na pui ki terseru parti pa i pasa na fugu, N na purifikal suma ku prata ta purifikadu; N na probal suma ku uru ta probadu. Elis e na coma ña nomi; N na obi elis, N na fala: ‘Es i ña pobu;’ e na fala: ‘SIÑOR i no Deus.’ ”

Ripitison di Lei 29:18

Bo toma sintidu pa ka i ojadu na bo metadi omi nin minjer nin familia nin jorson ku si korson na disvia di SIÑOR no Deus, pa i bai sirbi deusis di ki nasons, pabia kila ta bin sedu suma rais ku ta nasi pa padi frutu malgos ku ta mata.

Ebreus 12:15

Bo toma sintidu pa ka ningin pirdi fabur di Deus, pa ka nin un rais malgos nasi pa kansa bos, i bin venena manga di jinti;

Apokalipsi 12:4

Si rabu rasta tersa parti di strelas na seu, i bota elis riba di tera. Dragon firma dianti di minjer ku sta pa padi, pa ora ki padi, i ta kume si fiju.

Apokalipsi 8:7

Oca ku purmeru anju toka si korneta, cuba di jelu ku fugu jagasidu ku sangi darmadu riba di tera. Tersa parti di tera kemadu, ku tersa parti di arvuris, ku tudu paja verdi.

Apokalipsi 9:15

Ki kuatru anju ku staba purparadu pa ki ora, ki dia, ki mis ku ki anu, e largadu pa mata tersa parti di jinti.

Apokalipsi 9:18

E tris kastigu, ku sedu fugu, fumu ku nŝofri ku sai na se boka, e mata tersa parti di jinti.

Ruti 1:20

I fala elis: “Ka bo coman Noemi, ma bo coman Mara, pabia Deus ku ten tudu puder i dan kasabi garandi na ña vida.