Apokalipsi 8:10 - BIBLIA - traduson antigu in Krioulo

¹⁰ Oca ku terseru anju toka si korneta, i kai di seu un garandi strela ku na yardi suma un garandi pacu di fugu. I kai riba di tersa parti di rius ku fontis di yagu.

Apokalipsi 8:10 ပူးပေါင်းရင်းမြစ်များ

2 Kronikas 32:3

i riuni ku si ŝefis ku ŝefis di tropa, i pui elis ideia di tapa fontis di yagu ku sta fora di prasa. Elis e konkorda.

Isaias 12:3

Abos ku kontentamentu bo na tira yagu na fontis di salbason.

Isaias 14:12

“O strela di parmaña, fiju di mandrugada, jubi kuma ku bu kai na seu! Bu botadu na tera, abo ku ta ngañaba nasons!

Zakarias 13:8

SIÑOR fala: “Na tudu tera dus parti di pobu na kabadu ku el, ma ki terseru parti na sobra na tera.

Zakarias 13:9

N na pui ki terseru parti pa i pasa na fugu, N na purifikal suma ku prata ta purifikadu; N na probal suma ku uru ta probadu. Elis e na coma ña nomi; N na obi elis, N na fala: ‘Es i ña pobu;’ e na fala: ‘SIÑOR i no Deus.’ ”

Mateus 25:1

“Renu di seu i na sedu asin: I tenba des bajuda ku toma se kanderus, e sai pa bai da noivu kontrada.

Lukas 10:18

Jesus fala elis: “N oja Satanas suma raiu i kai di seu.

Judas 1:13

E sta suma maron di mar brabu ku na sukuma si susidadi di borgoña, o suma strela ku yara i na kurkuri. Deus separa un lugar di garandi sukuru pa elis pa sempri.

Apokalipsi 1:20

Es i sigridu sukundidu di ki seti strela ku bu oja na ña mon direita, ku seti kanderu di uru: Ki seti strela i anjus di ki seti igreẑa. Ki seti kanderu ku bu oja i ki seti igreẑa.

Apokalipsi 12:4

Si rabu rasta tersa parti di strelas na seu, i bota elis riba di tera. Dragon firma dianti di minjer ku sta pa padi, pa ora ki padi, i ta kume si fiju.

Apokalipsi 14:7

I fala ku garandi vos: “Bo medi Deus, bo dal gloria, pabia ora ciga pa i julga jinti. Bo adora kil ku fasi seu, tera ku mar, ku fontis di yagu.”

Apokalipsi 16:4

Terseru anju darma si tiẑela na rius ku fontis di yagu; e bida sangi.

Apokalipsi 6:13

Strelas di seu kai na tera, suma ora ku bentu forti bulbuli figera, si fijus verdi konkoñi.

Apokalipsi 8:7

Oca ku purmeru anju toka si korneta, cuba di jelu ku fugu jagasidu ku sangi darmadu riba di tera. Tersa parti di tera kemadu, ku tersa parti di arvuris, ku tudu paja verdi.

Apokalipsi 9:1

Kintu anju toka si korneta. N oja un strela ku sai na seu, i kai na tera; i dadu cabi di koba di abismu.

Apokalipsi 9:15

Ki kuatru anju ku staba purparadu pa ki ora, ki dia, ki mis ku ki anu, e largadu pa mata tersa parti di jinti.

Apokalipsi 9:18

E tris kastigu, ku sedu fugu, fumu ku nŝofri ku sai na se boka, e mata tersa parti di jinti.

Ŝefis 15:11

Asin tris mil omi di Judá bai pa ki koba garandi di roca di Etan, e bai fala Sanson: “Nta bu ka sibiba kuma filisteus domina riba di nos? Jubi ke ku bu fasinu!” Sanson ruspundi elis: “Manera ke fasin, asin tambi ku N fasi elis.”