Apokalipsi 7:14 - BIBLIA - traduson antigu in Krioulo

¹⁴ N ruspundil: “Siñor, abo ku sibi.” I falan: “Esis i kilis ku bin di ki garandi pirsigison. E laba se ropa, e bidantal branku na sangi di Karnel.

Apokalipsi 7:14 ပူးပေါင်းရင်းမြစ်များ

Jo 11:16

Bu na diskisi di bu sufrimentu, bu na lembra del son suma yagu ku pasa.

Saida 37:3

I kumpu kuatru anilia di uru pa el, i fiksa elis na kuatru pe, dus na un ladu ku dus na utru ladu.

Isaias 1:18

SIÑOR fala: “Bo bin no ruma; mesmu ku bo pekadu i suma nodu kargadu na bos, i na torna branku fandan; nin si i burmeju wak, i na torna suma algadon.

Daniel 11:35

Utru di ki jirus na kai pa e probadu, e purifikadu, pa e bida sin manca, te na kabantada di tempu, pabia i na bin sedu na tempu markadu.

Daniel 12:1

“Na ki tempu Migel, ki ŝef di anjus ku ta guarda bu pobu, i na lanta. I na ten un tempu di garandi sufrimentu, ku nunka ka tenba disna ku nasons ten te na ki dias. Na ki tempu bu pobu na libradu, kada un ku si nomi ojadu skritu na libru di Deus.

Daniel 7:16

N bai pa un di kilis ku firmaba la, N pidil pa i splikan bardadi aserka di ki kusas tudu. El i splikan signifikadu di ki kusas.

Zakarias 13:1

“Na ki dia, un fonti na yabridu pa familia di Davi ku moraduris di Jerusalen, pa limpa elis di pekadu ku impuresa.”

Mateus 24:21

pabia na ki dia i na ten garandi foronta suma nunka i ka ten disna di kumsada di mundu te aos, nin nunka mas i ka na ten.

Markus 13:19

pabia na ki dia i na ten garandi foronta, ku si koldadi nunka ka ciga di kontisi disna di kumsada di mundu ku Deus kumpu te aos, nin nunka mas i ka na ten suma el.

Bon Noba di Jesus Kristu ku Jon 16:33

N konta bos e kusas pa bo ten pas na mi. Na mundu bo na tene foronta, ma bo ten koraẑen; ami N ngaña mundu.”

Atus 14:22

e fortifika krentis, e konsija elis pa e kontinua firmi na fe; e fala elis kuma, pa no yentra na renu di Deus, i pirsis pasa manga di sufrimentu.

Romanus 5:3

I ka son kila, ma tambi no kontenti na kansera. No sibi kuma kansera ta da firmesa;

1 Koríntius 6:11

Utrus na bo metadi seduba asin, ma bo labadu, bo santifikadu, bo ojadu justu na nomi di Siñor Jesus Kristu, pa Spiritu di no Deus.

2 Tesalonisensis 1:4

E ku manda anos propi no ta ngaba bos na igreẑas di Deus, pabia di bo firmesa ku fe na tudu pirsigison ku sufrimentu ku bo ta nguenta.

Ebreus 13:12

E ku manda Jesus tambi muri fora di prasa, pa i pudi santifika pobu ku si propi sangi.

Ebreus 9:14

ku fadi gora puder di sangi di Kristu pa limpa no konsiensia di kustumus ku ta tisi mortu, pa no sirbi Deus bibu! Ku ajuda di Spiritu ku ta bibu pa sempri, Kristu da si vida pa Deus, suma sakrifisiu ku ka tene manca.

1 Pedru 1:19

ma i sangi di Kristu ku ten balur, el ki suma un karnel ku ka tene manca nin difeitu.

1 Jon 1:7

Si no na yanda na lus, suma ku el i sta na lus, no ta liga ku ŋutru; sangi di Jesus, si Fiju, i ta limpanu di tudu pekadu.

Apokalipsi 1:5

ku Jesus Kristu ku sedu fiel tustumuña, purmeru ku lanta di mortu, ku sta riba di reis di tera. I el ku amanu, ku si sangi i libertanu di no pekadu,

Apokalipsi 12:11

E ngañal pabia di sangi di Karnel, ku palabra di se tustumuñu. E ka ama se vida, ma e sta pruntu pa muri.

Apokalipsi 15:2

N oja kusa ku parsi mar di vidru jagasidu ku fugu. N oja tambi kilis ku ngaña besta ku si imaẑen ku numeru di si nomi. E firma pertu di ki mar di vidru, e pega arpas ku Deus da elis.

Apokalipsi 17:6

N oja kuma ki minjer cami ku sangi di pobu di Deus, ku sangi di kilis ku matadu pabia e da tustumuñu di Jesus. Oca N ojal, N pasma ku garandi dimirason.

Apokalipsi 2:9

N oja bu kansera ku bu koitadesa, ma bu riku. N obi palabra mau kontra bo di kilis ku fala kuma elis i judeus, ma e ka sedu gora; elis i di kasa di juntamentu di Satanas.

Apokalipsi 22:14

Sortiadu i kilis ku laba se ropa na sangi di Karnel, pa e ten diritu na arvuri di vida, pa e pudi yentra na porton di prasa.

Apokalipsi 5:9

E na kantaba un kantiga nobu ku fala: “Abo i mersidur di toma libru, pa kebra si selus, pabia bu matadu; ku bu sangi bu kumpra omis pa Deus di tudu rasa, tudu lingua, tudu pobu ku tudu nason.

Apokalipsi 7:9

Dipus de kusas N jubi, N oja un garandi multidon di jinti ku ningin ka pudi konta, di tudu nason, tudu rasa, tudu pobu ku tudu lingua, ku staba sikidu dianti di tronu na pursensa di Karnel. E bisti ropa kumpridu branku, e pega ramu di palmera na mon.