Apokalipsi 6:6 - BIBLIA - traduson antigu in Krioulo

⁶ N obi suma un vos na metadi di ki kuatru kriatura bibu ku fala: “Un kilu di trigu na kusta vensimentu di un dia; tris kilu di sevada na kusta tambi vensimentu di un dia, ma ka bu dana pe di azeitona nin di uva.”

Apokalipsi 6:6 ပူးပေါင်းရင်းမြစ်များ

Salmus 76:10

Bu pudi usa te raiba di omi pa pui jinti ngabau; raiba ku sobra, bu ta maral.

Mateus 24:7

Nason na lanta kontra nason, renu kontra renu. I na ten fomi ku tirmidura di con na manga di kau,

Apokalipsi 4:6

Tambi dianti di tronu i staba suma un mar di vidru finu ku ta lampra. La na metadi, na roda di tronu, i staba kuatru kriatura bibu, ku inci uju dianti ku tras.

Apokalipsi 4:8

Kada un di ki kuatru kriatura bibu teneba seis asa; ujus kubri elis na tudu ladu, dentru ku fora. Di dia ku di noti, sin diskansu, e ta fala: “Santu, santu, santu! Siñor Deus ku ten tudu puder i santu, kil ku seduba, ku sedu, ku ten ku bin.”

Apokalipsi 7:3

i fala: “Ka bo dana tera nin mar, nin arvuris, tok no pui marka di karimbu na testa di servus di no Deus.”

Apokalipsi 9:4

E faladu pa ka dana erva, nin un planta verdi, nin un arvuri, ma son jinti ku ka tene marka di Deus na se testa. x