Apokalipsi 4:7 - BIBLIA - traduson antigu in Krioulo

⁷ Purmeru kriatura i parsi ku un lion, sugundu parsi ku turu, terseru teneba rostu suma omi, kuartu parsi suma agia ku na bua.

Apokalipsi 4:7 ပူးပေါင်းရင်းမြစ်များ

Kumsada 49:9

Judá, bu sedu un fiju di lion. Bu bai montia, bu mata, bu riba, ña fiju. Suma lion i kurva, i dita; suma lion beju, kin ku na osa dispertal?

2 Samuel 1:23

“Saul ku Jonatas, amadus, na se vida jinti gostaba delis; na mortu tambi e ka separa; e seduba mas lestu di ki agia, mas forti di ki lion.

Ditus 28:2

Pabia di pekadu, con ta muda sempri si ŝefis, ma un omi jiru ku ten ntindimentu ta pui con pa i sta firmi.

Isaias 40:31

ma kilis ku na pera na SIÑOR e na arnoba se forsa. E na subi ku asas suma agia, e na kuri sin kansa, e na yanda sin pirdi forsa.

Ezekiel 1:10

Se rostus seduba asin: kada un teneba rostu di omi; na si mon direita i teneba rostu di lion; na mon skerda i teneba rostu di turu; i teneba tambi rostu di agia. Asin ku se rostus seduba.

Ezekiel 1:8

E teneba mon di omi bas di kada un di se asas na ki kuatru ladu. Asin tudu kuatru teneba se rostus ku se asas.

Ezekiel 10:14

Kada un di ki kriaturas teneba kuatru rostu. Purmeru rostu seduba di kirubin, sugundu seduba di omi, terseru seduba di lion, kuartu seduba rostu di agia.

Ezekiel 10:21

Kada un teneba kuatru rostu ku kuatru asa, ku kusas ku parsi mon di omi bas di kada un di si asas.

Daniel 7:4

Purmeru seduba suma lion, ma i teneba asas di agia. Oca ku N na jubiba, si asas rinkadu, i lantandadu na con, i firmantadu ku dus pe suma omi, i dadu korson di omi.

Obadias 1:4

Nin ku bu bua riba suma agia, bu bai pui bu niñu na metadi di strelas, di la N na batiu na con.

Numerus 23:24

Ki pobu na lanta suma lion femia; e na mostra se brabesa suma lion ku ka ta diskansa tok i kume kil ki paña, i bibi sangi di kilis ki mata.”

Numerus 24:9

Si e na diskansa, e ta sta suma lion ku mborka, o suma lion femia. Kin ku ta osa bulil? Kilis ku bensuau, e ta bensuadu; kilis ku maldisuau, e ta maldisuadu.”

1 Koríntius 14:20

Ermons, ka bo sedu mininus na ntindimentu; bo sedu mininus na fasi mal, ma na ntindimentu bo sedu jinti maduru.

Ripitison di Lei 28:49

SIÑOR na lantanda kontra bo un nason di lunju, di utru ladu di mundu, ku bu ka kunsi si lingua. I na pika riba di bo di repenti suma agia.

Apokalipsi 4:6

Tambi dianti di tronu i staba suma un mar di vidru finu ku ta lampra. La na metadi, na roda di tronu, i staba kuatru kriatura bibu, ku inci uju dianti ku tras.

Apokalipsi 6:3

Oca Karnel kebra sugundu selu, N obi sugundu kriatura bibu fala: “Bin.”

Apokalipsi 6:5

Oca ki kebra terseru selu, N obi terseru kriatura fala: “Bin.” Oca ku N jubi, i sta un kabalu pretu. Kil ku montaba riba del i tene un balansu na mon.

Apokalipsi 6:7

Oca ki kebra kuartu selu, N obi vos di kuartu kriatura fala: “Bin.”