Apokalipsi 22:7 - BIBLIA - traduson antigu in Krioulo

⁷ Jesus fala: “Bo jubi, N ka na tarda pa bin. Sortiadu i kilis ku rakada palabra di anunsiu ku faladu ne libru.”

Apokalipsi 22:7 ပူးပေါင်းရင်းမြစ်များ

Apokalipsi 1:11

ku falan: “Kil ku bu oja, skirbil na un libru, bu mandal pa igreẑas ku sta ne seti lugar, ku sedu: Éfesu, Smirna, Pérgamu, Tiatira, Sardu, Filadélfia ku Laodiseia.”

Apokalipsi 1:3

Sortiadu kil ku lei; sortiadu tambi kilis ku obi palabra de anunsiu, e obdisi kusas ku sta skritu nel, pabia tempu sta pertu.

Apokalipsi 16:15

“Bo jubi, ami N na bin suma ladron. Sortiadu i kil ku ka durmi, ku rakada si ropa pa ka i yanda nun, pa si borgoña ka ojadu.”

Apokalipsi 2:16

Ripindi de! Si i ka asin, N ka na tarda, N na bin pa bo; N ta geria ku elis ku spada di ña boka.

Apokalipsi 22:12

Jesus fala: “Bo jubi, N ka na tarda pa bin. N na tene ña pagamentu pa N da kada kin konformi si tarbaju.

Apokalipsi 22:18

Ami N na avisa tudu kil ku obi palabra di anunsiu de libru: Si algin buri kualker kusa riba del, Deus na buri kastigu ku kontadu ne libru riba di si dunu.

Apokalipsi 22:19

Tambi si algin tira kualker palabra ne libru di anunsiu, Deus na tira si parti di fruta na arvuri ku ta da vida; tambi i ta tira si parti na prasa di Deus, ku e libru konta aserka del.

Apokalipsi 22:20

Kil ku da tustumuñu de kusas i fala: “Es i palabra sertu; N ka na tarda pa bin.” Amen. Siñor Jesus, bin!

Apokalipsi 22:21

Fabur di Siñor Jesus ta sta ku bos tudu. Amen.

Apokalipsi 3:11

“‘N ka na tarda pa bin. Rakada kil ku bu tene pa ka ningin toma bu koroa.

Apokalipsi 3:3

Asin, lembra di kusas ku bu nsinadu, ku bu obi; bu obdisi elis, bu ripindi. Si bu ka disperta, N na bin riba di bo suma ladron; bu ka ta sibi na kal ora ku N na bin.