Apokalipsi 22:19 - BIBLIA - traduson antigu in Krioulo

¹⁹ Tambi si algin tira kualker palabra ne libru di anunsiu, Deus na tira si parti di fruta na arvuri ku ta da vida; tambi i ta tira si parti na prasa di Deus, ku e libru konta aserka del.

Apokalipsi 22:19 ပူးပေါင်းရင်းမြစ်များ

Salmus 69:28

Korta se nomi na libru di bibus, pa ka e reẑistadu juntu ku justus.

Saida 32:33

SIÑOR fala Moisés: “Kin ku peka kontra mi, es ku N ta riska si nomi na ña libru.

Ditus 30:6

Ka bu buri nada na si palabras, pa ka i bin raprindiu, bu ojadu munturus.”

Lukas 11:52

“Koitadi di bos duturis di lei! Bo toma cabi di kuñisimentu; bo ka yentra, bo tuji kilis ku na yentraba.”

Ripitison di Lei 12:32

Ba ta obdisi tudu ku N mandau; ka bu buri nada riba del nin ka bu rapatil.

Ripitison di Lei 4:2

Ka bo buri nada riba di ki palabra ku N fala bos, nin ka bo rapati nada del, ma bo obdisi mandamentus di SIÑOR bo Deus ku N na da bos.

Apokalipsi 1:3

Sortiadu kil ku lei; sortiadu tambi kilis ku obi palabra de anunsiu, e obdisi kusas ku sta skritu nel, pabia tempu sta pertu.

Apokalipsi 11:2

ma disa baranda ku sta fora di templu; ka bu midil, pabia i dadu pa jinti di utru rasas. E na masa prasa sagradu pa korenta i dus mis.

Apokalipsi 13:8

Tudu jinti ku sta na tera adoral, menus kilis ku se nomi sta skritu disna di kumsada di mundu na libru di Karnel ku matadu, ki libru ku tene nomi di jinti ku tene vida.

Apokalipsi 14:13

Dipus N obi un vos di seu ku fala: “Skirbi kuma: ‘Sortiadu kilis ku muri na mon di Siñor desdi gosi.’ ” Spiritu fala: “Sin, pa e pudi diskansa di se tarbaju kansadu; obras ke fasi ta kumpaña elis.”

Apokalipsi 2:11

“‘Kin ku tene oreja, pa i obi ke ku Spiritu na fala igreẑas. Kil ku vensi, sugundu mortu ka na fasil mal.’

Apokalipsi 2:26

Kil ku vensi, kil ku fasi ña vontadi te na fin, N na dal otridadi riba di nasons,

Apokalipsi 2:7

“‘Kin ku tene oreja, pa i obi ke ku Spiritu na fala igreẑas. Kil ku vensi, N na dal diritu di kume fruta di arvuri di vida ku sta na jardin di Deus.’

Apokalipsi 21:2

Ami Jon, N oja prasa di Deus ku comadu nobu Jerusalen, ku Deus disinti di seu, pruntiadu suma noiva ku fajadu pa si noivu.

Apokalipsi 21:5

Kil ku sinta na tronu i fala: “Jubi, N na fasi tudu kusa nobu.” I fala mas: “Skirbi, pabia e palabra i bardadi, i di fiansa.”

Apokalipsi 22:12

Jesus fala: “Bo jubi, N ka na tarda pa bin. N na tene ña pagamentu pa N da kada kin konformi si tarbaju.

Apokalipsi 22:2

i ta lagua na metadi di prasa. Na dus ladu di riu i staba arvuri di vida ku ta padi fruta dozi bias kada anu, un bias kada mis. Fojas di ki arvuri ta sirbi pa remediu pa jinti di tudu nasons.

Apokalipsi 22:7

Jesus fala: “Bo jubi, N ka na tarda pa bin. Sortiadu i kilis ku rakada palabra di anunsiu ku faladu ne libru.”

Apokalipsi 3:12

Kil ku vensi, N na fasil kuluna na templu di ña Deus, nunde ki ka na sai mas. N na skirbi nomi di ña Deus riba del, ku nomi di prasa di ña Deus, ku sedu nobu Jerusalen ku ña Deus na disinti di seu, ku ña nobu nomi tambi.

Apokalipsi 3:21

Kil ku vensi, N ta disal i sinta juntu ku mi na ña tronu, suma ku ami N vensi, N sinta ku ña Pape na si tronu.