Apokalipsi 22:17 - BIBLIA - traduson antigu in Krioulo

¹⁷ Spiritu ku noiva e fala: “Bin.” Kin ku obi pa i fala: “Bin.” Kin ku tene sedi pa i bin. Kin ku misti, i ta toma, sin paga nada, yagu ku ta da vida.

Apokalipsi 22:17 ပူးပေါင်းရင်းမြစ်များ

Salmus 34:8

Bo spurmenta pa bo jubi kuma ku SIÑOR i bon; omi ku fiansa nel i ta sedu sortiadu.

Isaias 12:3

Abos ku kontentamentu bo na tira yagu na fontis di salbason.

Isaias 2:3

Manga di rasa na bai la, e na fala: “Bo bin, no subi pa monti di SIÑOR, pa kasa di Deus di Jakó, pa i nsinanu ke ki misti pa no fasi, pa no yanda na si kamiñu.” Lei na sai na Sion; palabra di SIÑOR na sai na Jerusalen.

Isaias 2:5

Bo bin, abos, familia di Jakó, no yanda na lus di SIÑOR.

Jeremias 50:5

E na punta kamiñu pa Sion, e na pega kamiñu pa la, e na bin junta ku SIÑOR pa fasi un kontratu ku ka na kaba, ku nunka i ka na diskisidu.

Ezekiel 47:1

Dipus, ki omi riba ku mi pa entrada di templu. Yagu na saiba bas di entrada, i na kuri pa saida di sol, pabia frenti di templu staba na ki ladu. Yagu na binba bas di kasa, na ladu di sul, i na pasa altar na ladu di sul.

Mikeias 4:2

Manga di nason na bai pa el, e na fala: “Bo bin, no subi na monti di SIÑOR, pa kasa di Deus di Jakó, pa i nsinanu ke ki misti pa no fasi, pa no yanda na si kamiñus.” Lei na sai na Sion; palabra di SIÑOR na sai na Jerusalen.

Bon Noba di Jesus Kristu ku Jon 1:37

Ki dus disipulu obil i na fala; e bai janan tras di Jesus.

Bon Noba di Jesus Kristu ku Jon 4:10

Jesus falal: “Si bu sibiba ke ku Deus tene pa da, o bu sibi tambi kin ku na pidiu yagu, bu ta pidilba, el i ta dau yagu ku ta da vida.”

Bon Noba di Jesus Kristu ku Jon 4:11

Minjer ruspundil: “Siñor, bu ka tene kusa pa kata yagu ku el, e fonti i fundu; nunde ku bu na tira yagu ku ta da vida?

Bon Noba di Jesus Kristu ku Jon 4:14

ma kin ku bibi yagu ku ami N na dal i ka ta torna tene sedi mas, pabia yagu ku N na dal i ta fasi nel fonti di yagu bibu ku ta darma pa vida ku ka ta kaba.”

Bon Noba di Jesus Kristu ku Jon 4:29

“Bo bin jubi un omi ku kontan tudu kusas ku N fasi na ña vida. Nta es i ka Mesias?”

Bon Noba di Jesus Kristu ku Jon 7:37

Na ultimu dia, ku sedu mas garandi di festival, Jesus firma, i papia risu, i fala: “Kin ku tene sedi, pa i bin bibi na mi.

Romanus 3:24

E ta ojadu justu sin paga nada, pabia di fabur di Deus, manera ku Kristu Jesus kaplinti elis.

1 Koríntius 2:12

Anos no ka risibi spiritu di mundu, ma no risibi Spiritu ku bin di Deus, pa no pudi ntindi kusas ku Deus danu di grasa.

Apokalipsi 14:13

Dipus N obi un vos di seu ku fala: “Skirbi kuma: ‘Sortiadu kilis ku muri na mon di Siñor desdi gosi.’ ” Spiritu fala: “Sin, pa e pudi diskansa di se tarbaju kansadu; obras ke fasi ta kumpaña elis.”

Apokalipsi 2:7

“‘Kin ku tene oreja, pa i obi ke ku Spiritu na fala igreẑas. Kil ku vensi, N na dal diritu di kume fruta di arvuri di vida ku sta na jardin di Deus.’

Apokalipsi 21:2

Ami Jon, N oja prasa di Deus ku comadu nobu Jerusalen, ku Deus disinti di seu, pruntiadu suma noiva ku fajadu pa si noivu.

Apokalipsi 21:6

I torna falan: “I sedu ja. Ami i Alfa ku Omega, kumsada ku kabantada. Kin ku tene sedi, N ta patil yagu di ki fonti di yagu ku ta da vida.

Apokalipsi 21:9

Un di ki seti anju ku teneba ki seti tiẑela ku inci ku seti kastigu di kabantada bin i falan: “Bin pa N mostrau noiva, minjer di Karnel.”

Apokalipsi 22:1

Anju mostran riu di yagu ku ta da vida, klaru suma vidru finu, ku ta saiba na tronu di Deus ku di Karnel,

Apokalipsi 22:16

“Ami, Jesus, N manda ña anju pa i konta bos na igreẑas e kusas. Ami i rais di Davi, ku si jorson, ki strela di mandrugada ku na lampra.”

Apokalipsi 7:17

pabia Karnel ku sta na tronu i na sedu se bakiadur; i na leba elis pa fontis di yagu ku ta da vida. Deus na limpa larma tudu na se uju.”