Apokalipsi 2:3 - BIBLIA - traduson antigu in Krioulo

³ Bu sufri pabia di ña nomi, bu kontinua firmi, bu ka fraksi.

Apokalipsi 2:3 ပူးပေါင်းရင်းမြစ်များ

Salmus 37:7

Diskansa na SIÑOR, bu peral. Ka bu fadiga pabia di ki algin ku kusas ta kuri diritu ku el, nin pabia di omi ku ta pui si planus mau na pratika.

Salmus 69:7

N sufri koba mal pabia di bo; ña rostu kubridu ku borgoña.

Mikeias 7:9

Manera ku N peka kontra SIÑOR, N na sufri si raiba te na dia ki julga ña kasu, i fasin justisa. El i na tiran pa lus; N na oja si justisa.

Markus 15:21

Un omi comadu Simon, di prasa di Sireni, pape di Alŝandri ku Rufu, i na pasa oca ki na bin di matu. E obrigal pa i karga krus.

Lukas 14:27

Kil ku ka lambu si krus pa i bin ña tras, i ka pudi sedu ña disipulu.

Lukas 18:1

Dipus, Jesus da elis un komparason pa mostra elis kuma e dibi di ora sempri, sin disanima.

Lukas 21:19

Bo fika firmi, bo na sedu salbu.

Lukas 5:5

Simon ruspundil: “Mestre, no tarbaja ciu noti ntidu, no ka paña nada, ma suma ku bu fala asin, N na bota ridia.”

Lukas 8:15

Ma kil ku kai na bon terenu i mostra kilis ku obi palabra, e guardal na bardadi ku bon korson, e pega tesu, e ta da frutu.

Bon Noba di Jesus Kristu ku Jon 15:21

E na fasi bos tudu e kusas pabia di mi, suma e ka kunsi kil ku mandan.

Romanus 12:12

Bo kontenti na speransa ku bo ten, bo ten pasensa na foronta, bo pega tesu na orason.

Romanus 16:12

Manteña pa Trifena ku Trifosa ku ta tarbaja pa Siñor. Manteña pa ña kiridu Pérsida ku tarbaja ciu pa Siñor.

Romanus 2:7

I na da vida ku ka ta kaba pa kilis ku kontinua na fasi ben, e buska gloria ku rispitu, ku vida ku ka na dana,

Romanus 8:25

Ma si no na pera kil ku no ka oja, no ta peral ku pasensa.

1 Koríntius 13:7

I ta sufri tudu; si fe, si speransa ku si pasensa nunka ka ta kaba.

1 Koríntius 16:16

pa bo suẑeta koldadi ki jinti, ku tudu kilis ku na pui mon na tarbaju pa juda.

2 Koríntius 10:15

No ka ta njata na tarbaju ku utru jinti fasi fora di lugar ku Deus markanu, ma no na pera, suma ku bo fe na kirsi, ku no pudi fasi tarbaju muitu mas garandi na bo metadi, ma sempri dentru di ki midida ku Deus markanu.

2 Koríntius 11:23

E ta sirbi Kristu? N na fala suma ku N sta fora di mi, ma ami N ta sirbil mas. N mas tarbaja di ki elis; N sutadu mas di ki elis; N mas pudu prezu di ki elis; manga di bias N staba na pirigu di mortu.

2 Koríntius 4:1

Deus, na si miserikordia, i danu e tarbaju pa no fasi; asin no ka na fika disanimadu.

2 Koríntius 4:16

E ku manda no ka ta disanima. Kontudu no kurpu pa fora i na kai puku puku, ma kil di dentru i na arnobadu kada dia.

2 Koríntius 5:9

Kusa ku no mas misti i pa no agradal, tantu na kurpu suma dipus di no muri,

2 Koríntius 6:5

No sutadu, no prindidu; jinti junta na nos; no tarbaja ciu, utru ora ku fomi, ku falta di sonu.

Gálatas 6:2

Bo juda ŋutru ku kargu; asin bo ta fasi kil ku lei di Kristu fala.

Gálatas 6:9

Ka no kansa fasi ben. Ora ki ciga ora, no ta kebra si frutu, si no ka menusa forsa.

Filipensis 2:16

kontra bo na da elis palabra di vida. Si bo fasi asin, N ta ten ku njata na bos na Dia di Kristu, pabia i ta mostra kuma tudu ña kurida ku ña tarbaju i ka sedu amonton.

Filipensis 4:3

Abo tambi, ña kumpañer fiel, N pidiu pa bu juda ki minjeris, pabia e tarbaja ciu ku mi pa konta Bon Noba, ku Klementi, ku utrus ku no tarbaja juntu ku elis, ku se nomi sta skritu na libru ku tene nomi di bibus.

Kolosensis 1:11

No pidil pa i fortifika bos ku forsa ku bin di si puder gloriosu, pa bo pudi nguenta tudu ku bin, ku pasensa, ku kontentamentu,

1 Tesalonisensis 1:3

No ta lembra sempri dianti di no Pape, ku sedu Deus, kuma ku bo fe ta mostra na kusas ku bo na fasi; bo amor i pui bo tarbaja ciu, bo speransa na no Siñor Jesus Kristu i firmi.

1 Tesalonisensis 2:9

Ermons, N ten sertesa kuma bo lembra di no tarbaju ku fadiga. Oca ku no na konta bos Bon Noba di Deus, no ta tarbajaba di noti ku di dia pa ka no sedu kargu pisadu pa nin un di bos.

1 Tesalonisensis 5:12

Ermons, N roga bos pa bo rispita kilis ku na tarbaja na bo metadi, ku ta diriẑi bos na bo union ku Siñor, e ta nsina bos.

2 Tesalonisensis 3:13

Abos, ermons, ka bo kansa fasi ben.

2 Tesalonisensis 3:5

N pidi pa Siñor diriẑi bo korson na amor di Deus, ku firmesa ku Kristu ta da.

2 Tesalonisensis 3:8

No ka kume na kasa di ningin di grasa, ma no tarbaja ku fadiga; di dia ku di noti no tarbaja, pa ka no sedu kargu pisadu pa nin un di bos.

1 Timótiu 4:10

kuma pa e fin no tarbaja, no luta, pabia no pui no speransa na Deus bibu, ku sedu Salbadur di tudu jinti, riba di tudu, di kilis ku fia nel.

1 Timótiu 5:17

Garandis di igreẑa ku sedu bon diriẑentis e ta ojadu mersidur di pagadu dus bias, riba di tudu, kilis ku ta tarbaja ciu na nsina ku konta Bon Noba,

Ebreus 10:36

Bo pirsisa di firmesa pa bo fasi vontadi di Deus, pa bo pudi yangasa kil ki fala i na da.

Ebreus 12:1

Anos tambi, ku tudu e tustumuñas ku rodianu suma nuven, no sakudi tudu kusa ku ta mbaransanu, ku pekadu ku ta lestu ku maranu; no kuri ku tudu mpeñu na kurida ku sta no dianti.

Ebreus 13:13

Asin no bai pa el, fora di prasa; no sufri ki njuti ku el i njutidu,

Ebreus 6:10

Deus i ka injustu pa diskisi di bo tarbaju, ku amor ku bo mostra pa el, manera ku bo sirbi si pobu, suma ku bo na fasi te gosi.

Ebreus 6:12

No ka misti pa bo bin sedu prigisosu, ma pa bo remenda kilis ku na risibi kil ku Deus purmiti, pabia di se fe ku pasensa.

Ebreus 6:15

Abraon pera ku pasensa, i yangasa kil ku Deus fala i na da.

2 Pedru 1:6

Riba di kuñisimentu bo buri puder di manda riba di bo kurpu; riba di manda na bo kurpu bo buri pasensa; riba di pasensa bo buri rispitu pa Deus;

Apokalipsi 1:9

Ami Jon, bo ermon, bo kumpañer na kastigu ku no na sufri ku pasensa di Jesus, suma no sedu di si renu, N staba na jiu ku comadu Patmos, pabia di konta palabra di Deus, di da tustumuñu di Jesus.

Apokalipsi 3:10

Suma ku bu obdisi ña palabra, bu fika firmi, tambi N na guardau na tempu di kansera ku na bin riba di tudu mundu, pa proba kilis ku sta na tera.