Apokalipsi 2:20 - BIBLIA - traduson antigu in Krioulo

²⁰ Ma kusa ku N tene kontra bo, suma ku bu disa ki minjer Jezabel ku fala kuma i anunsiadur. I na nsina, i na ngana ña servus pa e fasi pekadu seksual, tambi pa e kume karni ku matadu pa idulus.

Apokalipsi 2:20 ပူးပေါင်းရင်းမြစ်များ

1 Reis 16:31

Pa yanda na pekadus di Jeroboan, fiju di Nebat, i suma nada pa el. I bai dianti, i kasa ku Jezabel, fiju di Etbaal, rei di Sidon, i kumsa na adora Baal, i mpina si dianti.

1 Reis 17:13

Elias falal: “Ka bu medi. Bai fasi kil ku bu fala, ma purmeru bu ta kumpun un pon pikininu na kil ku bu tene, bu tisin el pa fora; dipus, bu ta kusña pa bo ku bu fiju,

1 Reis 17:4

Bu na bibi yagu di riu; N manda ja korvus pa e lebau kumida la.”

2 Reis 9:22

Oca ku Joran oja Jeu, i puntal: “Jeu, bu bin ku pas?” Jeu puntal: “Kuma ku pas pudi ten nkuantu no tene manga di idulatria susu di bu mame Jezabel, ku si futis?”

2 Reis 9:7

Bu ten ku kaba ku familia di bu mestre Akab, pa N pudi vinga sangi di anunsiaduris ku sirbin, ku sangi di tudu servus di SIÑOR ku Jezabel darma.

Saida 34:15

“Toma sintidu pa ka fasi kontratu ku kilis ku mora na ki tera, pabia ora ke na bai tras di manga di deus pa fasi sirmonia pa elis, e pudi bin kumbidau; bu pudi bai kume kumida di sirmonia.

Ezekiel 13:17

“Abo, fiju di omi, pui bu rostu kontra fijus femia di bu pobu ku ta anunsia kusas ku ta sai na se kabesa. Anunsia kontra elis,

Atus 15:20

ma no dibi di skirbi elis, pa fala elis pa e libra di kume karni di limaria ku roniadu ku el, ku kil ku tursidu garganti, nin pa e ka kume se sangi, tambi pa e libra di yanda na pekadu seksual.

Atus 15:29

Ka bo kume karni ku roniadu ku el, nin sangi, nin karni di limaria ku tursidu garganti. Ka bo fasi pekadu seksual. Si bo libra de kusas, bo ta fasi ben. Adeus.”

1 Koríntius 10:28

ma si algin fala bos kuma e kumida i di ronia, ka bo kumel, pabia di kil ku konta bos, tambi pa konsiensia. [Tera i di Siñor, ku tudu ku sta nel.]

Apokalipsi 2:14

Ma N ten utru kusas kontra bo, pabia bu tene la utrus ku na sigi nsinamentu di Balaon ku nsina Balak pa i pui fijus di Israel kai na pekadu di kume karni ku matadu pa idulus, tambi di kai ku minjeris.

Apokalipsi 2:4

“‘Ma N tene un kusa kontra bo: bu ka aman gosi suma ku bu amanba na kumsada.