Apokalipsi 19:8 - BIBLIA - traduson antigu in Krioulo

⁸ I dadu bistidu di liñu finu, puru, ku na lampra.” (Liñu finu ta mostra bon kusas ku pobu di Deus fasi.)

Apokalipsi 19:8 ပူးပေါင်းရင်းမြစ်များ

Salmus 132:9

Bu saserdotis pa e kubri ku retidon; bu pobu pa e kanta ku kontentamentu!

Ditus 31:22

I ta kumpu kuberturas pa kama, i bisti di liñu finu di kor purpura.

Isaias 3:23

spijus, ropa di liñu finu, lensus di kabesa ku veus kumpridu.

Isaias 61:10

N na kontenti dimas na SIÑOR; ña korson sta alegri na ña Deus, pabia i bistin ku ropa di salbason, i kubrin ku manta di retidon, suma noivu ku ta faja kabesa suma saserdoti, o suma noiva ku ta faja ku si pedras di balur.

Ezekiel 16:10

N bistiu ropa bordadu, N kalsau sandalia di kuru, N marau panu di liñu finu, N kubriu ku manta di seda.

Ezekiel 44:17

“Ora ke yentra na porton pa kintal di dentru, e na bisti ropa di liñu finu; e ka na bisti di lan ora ke na fasi sirvis na kintal di dentru o dentru di templu.

Mateus 17:2

i torkia si parsensa se dianti. Si rostu na lampraba suma sol, si ropa bida branku suma lus.

Mateus 22:12

I puntal: ‘Amigu, kuma ku bu yentra li sin bu ka bisti ropa di kasamenti?’ Omi kala boka.

Markus 9:3

Si ropa bida branku fandan, i na lampra, suma ku nin un labandera na mundu ka pudi brankisil.

Lukas 24:4

E staba dimiradu sin sibi ke ke na fasi. Di repenti i parsi dus omi pertu delis ku ropa lampradu.

Atus 1:10

E teneba inda se uju na seu, suma ku Jesus na bai. Di repenti i parsi pertu delis dus omi ku bisti di branku,

Romanus 13:14

ma bo kubri ku armadura di Siñor Jesus Kristu. Ka bo alimenta mau diseẑu di bo naturesa.

Romanus 3:22

Deus ta fasi jinti ku fia na Jesus Kristu pa e sedu justu. El i ka ta fasi skuju; i pa tudu kil ku ten fe.

Apokalipsi 15:4

Siñor, kin ku ka na medi bo? Kin ku ka na ngaba bu nomi? Abo son ki puru. E ku manda tudu nasons na bin, e na kai bu dianti pa adorau, pabia kusas justu ku bu fasi, tudu jinti pudi ojal.”

Apokalipsi 15:6

I sai di lugar sagradu seti anju ku teneba seti kastigu. Se bistimentu i di liñu puru ku na lampra, ku sintu di uru maradu na pitu.

Apokalipsi 19:14

Tropas di seu na bai si tras; e monta na kabalus branku, e bisti liñu finu, branku, puru.

Apokalipsi 3:18

N konsijau pa bu kumpra na ña mon uru rifinadu na fugu, pa bu sedu riku na bardadi; ku ropa branku pa bu bisti, pa ka borgoña di bu disnun ojadu; bu kumpra tambi pomada pa pui na uju, pa bu pudi oja.