Apokalipsi 19:6 - BIBLIA - traduson antigu in Krioulo

⁶ Tambi N obi un vos suma un garandi multidon di jinti, suma baruju di manga di yagu, suma baruju forti di turbada, ku fala: “Aleluia! Siñor Deus ku ten tudu puder i na rena ja!

Apokalipsi 19:6 ပူးပေါင်းရင်းမြစ်များ

Jo 40:9

Bu tene mon suma Deus? O bu pudi fasi baruju ku vos suma di sil?

Salmus 47:2

SIÑOR ku sta riba di tudu i meduñu, i sedu garandi Rei riba di tudu mundu.

Salmus 47:7

Deus i Rei di tudu mundu; bo ngabal ku kantigas di armonia.

Salmus 77:18

Baruju di bu turbada obidu na ar; relampagu numia mundu; con balansa, i tirmi.

Salmus 93:1

SIÑOR na rena. I bisti puder di renansa. SIÑOR bisti di puder, i mara sintu di forsa. Mundu i firmantadu, i ka pudi bulbuli.

Salmus 97:1

SIÑOR na rena! Tera, ku manga di jiu, pa e kontenti!

Salmus 97:12

Abos ku sedu justu, bo kontenti na SIÑOR, bo ngaba si nomi sagradu.

Salmus 99:1

SIÑOR na rena; nasons pa e tirmi! El i sinta na tronu na metadi di kirubins; tera pa i bulbuli!

Isaias 52:7

Kil ku yanda riba di montis pa konta bon noba, si pe bonitu dimas; i ta anunsia pas, i ta tisi bon notisias, i ta anunsia salbason, i ta fala Sion: “Bu Deus na rena!”

Jeremias 51:48

Seu ku tera ku tudu ku sta nel na grita ku kontentamentu riba di Babilonia, pabia tropas na bin di norti pa kaba ku el. I ami, SIÑOR, ku fala.

Ezekiel 1:24

Oca ke na yanda, N obi baruju di se asas suma baruju di korenti di yagu, suma fála di Deus ku ten tudu puder, o suma baruju di manga di tropa. Si e para, e ta baŝaba se asas.

Ezekiel 43:2

N oja gloria di Deus di Israel i na bin di saida di sol. Si vos seduba suma baruju di manga di yagu; con na lampraba pabia di si gloria.

Mateus 6:13

Ka bu lebanu pa tentason, ma libranu di ki algin malvadu. [Pabia renu i di bo, ku puder ku gloria pa sempri. Amen.]’

Apokalipsi 1:15

si pe i suma metal ku na lampra, ku rifinadu na furnu, si fála suma turmenta di manga di yagu.

Apokalipsi 1:8

Siñor fala: “Ami i Alfa ku Omega, ku sedu kumsada ku kabantada, kil ku sedu, ku seduba, ku ten ku bin, ku ten tudu puder.”

Apokalipsi 12:10

N obi un garandi vos na seu ku na fala: “Salbason di no Deus ciga. Gosi i mostra si puder suma Rei. Otridadi sta ja na mon di si Kristu, pabia kil ku firma dianti di no Deus pa akusa no ermons, di noti ku di dia, i durbadu ja.

Apokalipsi 14:2

N obi un vos di seu suma baruju di manga di yagu, suma baruju di garandi turbada. N obi musika suma tokaduris ku na toka se arpas.

Apokalipsi 19:1

Dipus de kusas N obi garandi baruju suma di manga di jinti na seu ku na fala: “Aleluia! Salbason ku gloria ku puder pertensi no Deus,

Apokalipsi 19:4

Ki vinti i kuatru omi garandi ku ki kuatru kriatura bibu e mborka, e adora Deus ku sta sintadu na tronu, e fala: “Amen, Aleluia!”

Apokalipsi 21:22

N ka oja nin templu na prasa, pabia si templu i Siñor Deus ku ten tudu puder, ku Karnel tambi.

Apokalipsi 4:5

Di tronu i na saiba relampagu, ku garandi baruju di turbada. Dianti di tronu i na yardiba seti kanderu di fugu, ku sedu seti spiritu di Deus.

Apokalipsi 6:1

N oja oca ku Karnel kebra un di ki seti selu. N obi un di ki kriaturas bibu fala ku vos forti suma turbada: “Bin.”

Apokalipsi 8:5

Dipus, ki anju toma ki tiẑela, i incil ku fugu di altar, i botal riba di tera. I fasi turmenta di turbada ku relampagu. Tera bulbuli.