Apokalipsi 19:1 - BIBLIA - traduson antigu in Krioulo

¹ Dipus de kusas N obi garandi baruju suma di manga di jinti na seu ku na fala: “Aleluia! Salbason ku gloria ku puder pertensi no Deus,

Apokalipsi 19:1 ပူးပေါင်းရင်းမြစ်များ

1 Kronikas 29:11

Abo, SIÑOR, i garandi; bu ten puder ku rispitu ku vitoria; abo i Rei gloriosu. Tudu ku sta na seu ku tera i di bo. Renu i di bo, SIÑOR; abo i kabesa ku sta riba di tudu.

Salmus 104:35

Jinti ku ta fasi pekadu, pa e disparsi na mundu, pa ka i torna ten jinti mau! Ña alma, fala ben di SIÑOR! Bo ngaba SIÑOR!

Salmus 106:1

Bo ngaba SIÑOR! Bo gardisi SIÑOR pabia el i bon; si bondadi i pa sempri.

Salmus 111:1

Bo ngaba SIÑOR! N na ngaba SIÑOR ku tudu korson, na kompañia di justus na juntamentu di pobu.

Salmus 115:18

Ma anos ku sta bibu, no na fala ben di SIÑOR, disna di gosi pa sempri. Bo ngaba SIÑOR!

Salmus 146:1

Bo ngaba SIÑOR! Ña alma, ngaba SIÑOR!

Salmus 148:1

Bo ngaba SIÑOR! Bo ngaba SIÑOR la na seu; bo ngabal la riba.

Salmus 149:1

Bo ngaba SIÑOR! Bo kanta un kantiga nobu pa SIÑOR; bo kanta pa ngabal na juntamentu di si pobu.

Salmus 150:1

Bo ngaba SIÑOR! Bo ngaba Deus na si kau sagradu; bo ngabal na seu ki kumpu ku si puder!

Salmus 3:8

Salbason ta bin di SIÑOR. Bu benson pa i sta riba di bu pobu.

Salmus 62:11

Deus papia un bias; ami N obi dus kusa: kuma puder pertensi Deus;

Jeremias 51:48

Seu ku tera ku tudu ku sta nel na grita ku kontentamentu riba di Babilonia, pabia tropas na bin di norti pa kaba ku el. I ami, SIÑOR, ku fala.

Jonas 2:9

ma N na pursentau sakrifisiu ku kantiga di gardisimentu; N na kumpri purmesa ku N fasiu. Salbason ta bin di SIÑOR.”

Mateus 6:13

Ka bu lebanu pa tentason, ma libranu di ki algin malvadu. [Pabia renu i di bo, ku puder ku gloria pa sempri. Amen.]’

Apokalipsi 11:15

Setimu anju toka si korneta. I obidu manga di vos forti na seu, ku fala: “Puder pa manda riba di mundu i pasa ja pa no Siñor ku si Kristu; i na rena pa tudu sempri.”

Apokalipsi 12:10

N obi un garandi vos na seu ku na fala: “Salbason di no Deus ciga. Gosi i mostra si puder suma Rei. Otridadi sta ja na mon di si Kristu, pabia kil ku firma dianti di no Deus pa akusa no ermons, di noti ku di dia, i durbadu ja.

Apokalipsi 19:6

Tambi N obi un vos suma un garandi multidon di jinti, suma baruju di manga di yagu, suma baruju forti di turbada, ku fala: “Aleluia! Siñor Deus ku ten tudu puder i na rena ja!