Apokalipsi 17:10 - BIBLIA - traduson antigu in Krioulo

¹⁰ Tambi e sedu seti rei; sinku kai ja, un na rena inda, ki utru inda ka bin. Ora ki bin, si renu ka na tarda.

Apokalipsi 17:10 ပူးပေါင်းရင်းမြစ်များ

Isaias 23:15

Na ki tempu Tiru na diskisidu pa setenta anu, ku sedu anus di vida di un rei. Ora ku ki setenta anu kaba, Tiru na sedu suma minjer di mau vida ku kantiga kantadu pa el:

Apokalipsi 10:11

Dipus i falan: “I pirsis pa bu torna anunsia utru bias ke ku Deus fala aserka di manga di rasa, nason, lingua ku rei.”

Apokalipsi 13:12

I ta sta dianti di purmeru besta; i ta usa tudu otridadi di kila. I ta obriga tera ku tudu si moraduris pa e adora purmeru besta, kil ku teneba molostu di mortu ku kuradu.

Apokalipsi 13:3

I tene na un di si kabesas un sinal ku parsi pankada di mortu, ma ki molostu di mortu san. Tudu jinti di mundu fika dimiradu, e bai tras di besta.

Apokalipsi 17:11

Besta ku bibuba, ku ka bibu gosi, el tambi i ta kompleta oitu rei. El i di ki seti rei; i na bai pa pirdison.

Apokalipsi 17:16

Ki des cifri ku bu oja, ku besta, elis e na odia ki minjer di mau vida. E na tiral tudu ki tene, e na disal nun. E na kume si karni, e na kemal na fugu,