Apokalipsi 16:4 - BIBLIA - traduson antigu in Krioulo

⁴ Terseru anju darma si tiẑela na rius ku fontis di yagu; e bida sangi.

Apokalipsi 16:4 ပူးပေါင်းရင်းမြစ်များ

Salmus 78:44

I bidanta se rius sangi, tok e ka ta pudi bibi, nin na se riusiñus.

Saida 8:5

SIÑOR fala Moisés pa i fala Aron: “Toma bu manduku, bu distindi mon riba di rius ku riusiñus ku laguas, pa fasi sapus pa e sai na yagu, e inci tudu tera di Ejitu.”

Isaias 50:2

Ke ku manda, oca ku N bin, ningin ka staba la? N coma; ningin ka kudi. Nta ña mon kurtusi tok i ka pudi kaplinti algin? O N ka ten ja mas forsa pa liberta? N pudi sekusi mar son ku un palabra di ordi; N ta bidanta rius suma lala, tok se pis ta cera mal pabia di falta di yagu, e ta muri ku sedi.

Ezekiel 35:8

N na kubri montañas ku mortus; kilis ku matadu ku spada e na kai na bu montis, na bu kobons ku tudu bu baletas.

Oseias 13:15

Mesmu ki padi frutu na metadi di si ermons, bentu na bin di lesti, bentu di SIÑOR, ku sai na lala; si fonti ku si uju di fonti na seku. Ki bentu na leba tudu kusas di balur di armazen.

Apokalipsi 11:6

Elis e ten puder pa fica seu pa ka i cubi na ki dias ke na anunsia. E ten puder tambi riba di fontis di yagu pa bidanta yagu sangi, tambi pa kastiga tera ku tudu koldadi praga, konformi tempu ke misti.

Apokalipsi 14:7

I fala ku garandi vos: “Bo medi Deus, bo dal gloria, pabia ora ciga pa i julga jinti. Bo adora kil ku fasi seu, tera ku mar, ku fontis di yagu.”

Apokalipsi 16:5

N obi anju ku ten konta di yagu fala: “Justu i abo, Siñor santu, ku sedu, ku seduba, suma ku bu julga e kusas.