Apokalipsi 16:2 - BIBLIA - traduson antigu in Krioulo

² Purmeru anju bai, i darma si tiẑela riba di tera. Caga meduñu, fedi, pega ki jinti ku teneba sinal di besta, ku ta adora si imaẑen.

Apokalipsi 16:2 ပူးပေါင်းရင်းမြစ်များ

2 Kronikas 21:15

Abo tambi bu na sufri ciu ku duensa di bariga ku na piora puku puku, tok tripas sai.’ ”

2 Kronikas 21:18

Dipus di kila tudu, SIÑOR manda riba del un duensa di ntistinus ku ka pudiba kuradu.

Salmus 78:26

La na seu i manda bentu di saida di sol pa i supra; ku si puder i tisi bentu di sul,

Isaias 3:17

SIÑOR na pui mpincu na kabesa di minjeris di Sion, i na pui pa e pirdi tudu se kabelu.”

Isaias 3:24

Minjer ku ta cera di purfumu i na bin cera mal; kil ku ta pui sintu bonitu i na maradu ku korda; kil ku ta ronka ku moda di kabelu i na bida kareka; kil ku ta pui bistidu kumpridu i na bisti saku; kemadura na toma lugar di bonitasku.

Atus 12:23

Na ki ora anju di Siñor batil, pabia i ka da Deus gloria. Bicus kumel, i muri.

Ripitison di Lei 28:27

SIÑOR na kastigau ku cagas suma ejipsius ta tene, ku tumoris, sarna ku kosera ku ka pudi kuradu.

Ripitison di Lei 28:35

SIÑOR na kastiga bu juju ku bu perna ku manditas ku ta de dimas, ku ka pudi kuradu; e na sai na bo desdi pata di pe te na kabesa.

Ripitison di Lei 7:15

SIÑOR na librau di tudu duensa; i ka na manda riba di bo kualker di ki duensas mau di ejipsius ku bu kunsiba la na Ejitu, ma i na pui elis riba di kilis ku odial.

Apokalipsi 13:12

I ta sta dianti di purmeru besta; i ta usa tudu otridadi di kila. I ta obriga tera ku tudu si moraduris pa e adora purmeru besta, kil ku teneba molostu di mortu ku kuradu.

Apokalipsi 14:16

Kil ku sintaba na nuven i miti ŋoroto na tera, i fasi kebur.

Apokalipsi 14:9

Terseru anju bin tras di ki utrus, i fala ku garandi vos: “Si algin adora besta ku si imaẑen, i risibi tambi sinal na si testa o na si mon,

Apokalipsi 16:1

N obi un vos forti ku sai di lugar sagradu, ku fala ki seti anju: “Bo bai, bo darma na tera ki seti tiẑela di raiba di Deus.”

Apokalipsi 16:11

E na fala mal di Deus di seu pabia di se dur ku se cagas, ma e ka ripindi di kusas ke na fasi.

Apokalipsi 8:7

Oca ku purmeru anju toka si korneta, cuba di jelu ku fugu jagasidu ku sangi darmadu riba di tera. Tersa parti di tera kemadu, ku tersa parti di arvuris, ku tudu paja verdi.

1 Samuel 5:6

Mon di SIÑOR staba pisadu riba di jinti di Asdod ku tabankas na roda; i kastiga elis ku tumoris. Tambi mortu ku danu staba na tudu ki prasa.

1 Samuel 5:9

Oca ke lebal pa Gat, mon di SIÑOR staba kontra ki prasa tok e panta; i kastiga jinti di ki prasa, desdi mininu te garandi; e teneba tumoris.