Apokalipsi 16:1 - BIBLIA - traduson antigu in Krioulo

¹ N obi un vos forti ku sai di lugar sagradu, ku fala ki seti anju: “Bo bai, bo darma na tera ki seti tiẑela di raiba di Deus.”

Apokalipsi 16:1 ပူးပေါင်းရင်းမြစ်များ

Salmus 79:6

Darma bu raiba riba di nasons ku ka ta rikuñisiu, riba di renus ku ka ta coma bu nomi,

Jeremias 10:25

Darma bu raiba riba di nasons ku ka setau, ku rasas ku ka ta coma bu nomi, pabia e nguli Jakó tok e kaba ku el; e dana si tera.

Ezekiel 10:2

SIÑOR fala ki omi ku bisti ropa di liñu: “Bai na metadi di rodas te bas di kirubins, bu inci bu dus mon ku karbon ku na yardi ku sta na metadi di kirubins, bu pajigal riba di prasa.” I yentra oca N na jubil.

Ezekiel 22:31

Pabia di kila N darma ña raiba riba delis pa i sedu fugu pa kaba ku elis. N pui kusas mau ke fasi pa e kai riba di se kabesa. Asin ku SIÑOR Deus fala.”

Sofonias 3:8

“Asin ami, SIÑOR, N fala: Bo peran, pa dia ku N lanta pa akusa. N rezolvi junta nasons ku renus, pa darma tudu forsa di ña raiba riba delis. N na kaba ku tudu mundu ku fugu di ña siumi.

Apokalipsi 11:19

Templu di Deus na seu yabridu; i ojadu arka di si kontratu dentru di templu. I kumsa fasi relampagu, ku baruju di turbada; con tirmi; garandi cuba di pedra di jelu kai.

Apokalipsi 14:15

Utru anju sai na templu, i grita ku garandi vos pa kil ku staba sintadu riba di nuven: “Miti ŋoroto, bu kebra, pabia tempu di kebur ciga ja. Labur di tera kusidu ja.”

Apokalipsi 14:18

Dipus, utru anju ku tenba konta di fugu i sai di altar, i grita ku garandi vos pa kil ku tene faka moladu, i falal: “Miti faka, bu korta uva na tera, pabia se kacus kusidu ja.”

Apokalipsi 15:1

N oja na seu utru sinal garandi di dimira: seti anju ku teneba seti kastigu di kabantada ku ta kompleta raiba di Deus.

Apokalipsi 16:17

Setimu anju darma si tiẑela na ar. Un vos forti sai di tronu na templu, i fala: “I fasidu ja!”

1 Samuel 15:18

SIÑOR mandau ku ordi pa bu bai kaba di un bias ku e jinti mau, ku sedu amalekitas, pa bu geria kontra elis tok bu kaba ku elis tudu.

1 Samuel 15:3

Gosi, bu na bai ataka Amalek, bu na kaba ku tudu ki tene; bu ka na purdal nada. Bu na mata elis desdi omis te minjeris, desdi mininus te kilis ku na mama; bu na mata baka ku karnel, kamelu ku buru.’ ”