Apokalipsi 14:8 - BIBLIA - traduson antigu in Krioulo

⁸ Sugundu anju bin tras di purmeru i fala: “I kai! Garandi Babilonia kai — ki prasa ku bibinti tudu nasons biñu forti di si mau vida!”

Apokalipsi 14:8 ပူးပေါင်းရင်းမြစ်များ

Isaias 13:1

Es i rekadu di Deus aserka di Babilonia ku Isaias, fiju di Amoz, risibi na vison.

Isaias 21:9

Jubi, ala tropas di kabalus na bin, dus dus.” Utru algin ruspundi i fala: “Babilonia kai, i kai! Tudu imaẑens labradu di se deusis dita na con tudu kebrantadu.”

Jeremias 50:1

Es i palabra ku SIÑOR fala na boka di anunsiadur Jeremias kontra Babilonia ku tera di kaldeus:

Jeremias 51:64

bu fala: ‘Asin ku Babilonia na bai pa fundu, i ka na lanta, pabia di mal ku N na tisi riba del. Si moraduris na kai.’ ” Asin ku palabras di Jeremias kaba.

Daniel 4:30

i fala: “Jubi e garandi Babilonia! I ami ku kumpul suma residensia pa rei, ku ña forsa ku puder, pa mostra gloria di ña garandesa.”

Naun 3:19

I ka ten mesiñu pa bu molostu; bu caga ka pudi kuradu. Tudu kilis ku obi noba di bo e na toka palmu pabia di bu kaida, pabia kin delis ku kapli bu maldadi?

Apokalipsi 11:8

Se difuntus na fika ditadu na kau publiku di prasa garandi ku parsintidu suma Sodoma ku Ejitu, i dadu ki nomis, nunde tambi ku se Siñor krusifikadu.

Apokalipsi 16:19

Ki prasa garandi findidu na tris parti. Utru prasas di mundu kai. Deus lembra di garandi Babilonia, pa dal kopu di biñu forti di si raiba pa i bibi.

Apokalipsi 17:18

“Ki minjer ku bu oja i ki garandi prasa ku ta manda riba di reis di mundu.”

Apokalipsi 19:2

pabia si julgamentu i bardadi, i justu. I julga ki minjer di fama di mau vida ku dana tera ku si pekadu seksual. Deus kastigal pa vinga sangi di si servus.”