Apokalipsi 14:2 - BIBLIA - traduson antigu in Krioulo

² N obi un vos di seu suma baruju di manga di yagu, suma baruju di garandi turbada. N obi musika suma tokaduris ku na toka se arpas.

Apokalipsi 14:2 ပူးပေါင်းရင်းမြစ်များ

2 Samuel 6:5

Davi ku tudu Israel e na bajaba ku kontentamentu ku tudu se forsa dianti di SIÑOR, ku kantigas, arpas, salterius, tambriñas, kaskabelus ku simbalus.

2 Kronikas 20:28

E bin pa kasa di SIÑOR na Jerusalen ku violas, arpas ku kornetas.

Salmus 147:7

Bo kanta pa SIÑOR, bo gardisil; bo kanta pa ngaba no Deus ku arpa,

Salmus 149:3

pa e ngaba si nomi ku flauta, pa e kanta salmus pa el ku tambriña ku arpa.

Salmus 33:2

Bo ngaba SIÑOR ku arpa, bo kanta pa el ku salteriu di des korda.

Salmus 43:4

Asin N na bai pa altar di Deus, ki Deus ku sedu ña garandi kontentamentu; N na ngabau ku arpa, o Deus, ku sedu ña Deus.

Salmus 57:8

Ña alma, disperta! Salteriu ku arpa, bo disperta! Ami N na korda sol pa i lanta!

Salmus 92:3

I bon pa toka salteriu di des korda, pa fasi musika ku arpa,

Salmus 93:4

ma SIÑOR, la riba, i mas forti di ki baruju di mar garandi; mas forti di ki turmenta di maron.

Salmus 98:5

Bo kanta pa ngaba SIÑOR, ku arpa; bo toka arpa, bo kanta salmus.

Saida 19:16

Na terseru dia, oca ku sol na mansi, i tenba garandi turbada ku relampagu riba di monti, ku nuven sukuru. Korneta bin toka altu dimas. Tudu jinti na kampamentu e kumsa na tirmi.

Saida 20:18

Tudu pobu oja relampagu, e obi turbada ku baruju di korneta ku na toka, e oja monti na fuma, e tirmi ku medu, e rakua, e bai fika lunju.

Isaias 17:13

Nin ku nasons na somna suma maron, Deus na raprindi elis; e na kuri pa lunju. E na kurintidu suma paja di monti dianti di bentu, suma bolon dianti di turbada.

Ezekiel 43:2

N oja gloria di Deus di Israel i na bin di saida di sol. Si vos seduba suma baruju di manga di yagu; con na lampraba pabia di si gloria.

Zakarias 9:14

SIÑOR na ojadu riba di fijus di Sion; i na manda si fleŝas suma relampagu. SIÑOR Deus na toka trombeta, i na marŝa ku turbadas di sul.

1 Koríntius 13:1

N pudi papia linguas di omis, o te di anjus, ma si N ka ten amor, N ta sedu suma sinu ku na somna, o suma feru ku na majadu.

Apokalipsi 1:10

Na dia di Siñor, Spiritu rabatan; N obi garandi vos suma di korneta ña tras,

Apokalipsi 1:15

si pe i suma metal ku na lampra, ku rifinadu na furnu, si fála suma turmenta di manga di yagu.

Apokalipsi 11:12

E obi un garandi vos ku bin di seu, i fala elis: “Bo subi pa li.” E subi na seu na nuven, na uju di se inimigus.

Apokalipsi 11:15

Setimu anju toka si korneta. I obidu manga di vos forti na seu, ku fala: “Puder pa manda riba di mundu i pasa ja pa no Siñor ku si Kristu; i na rena pa tudu sempri.”

Apokalipsi 15:2

N oja kusa ku parsi mar di vidru jagasidu ku fugu. N oja tambi kilis ku ngaña besta ku si imaẑen ku numeru di si nomi. E firma pertu di ki mar di vidru, e pega arpas ku Deus da elis.

Apokalipsi 18:22

Nunka mas i ka na obidu musika di kantaduris na bo, nin di tokaduris di arpa, nin di flauta, nin di korneta. Nin kumpuduris di kusas bonitu ka na ojadu mas na bo. Baruju di pilon ka na obidu mas na bo.

Apokalipsi 5:8

Oca ki toma libru, ki kuatru kriatura bibu, ku ki vinti i kuatru omi garandi, e mborka dianti di Karnel. Kada un delis teneba arpa ku tiẑela di uru ku inci nsensu ku sedu orason di pobu di Deus.

Apokalipsi 6:1

N oja oca ku Karnel kebra un di ki seti selu. N obi un di ki kriaturas bibu fala ku vos forti suma turbada: “Bin.”

Apokalipsi 8:7

Oca ku purmeru anju toka si korneta, cuba di jelu ku fugu jagasidu ku sangi darmadu riba di tera. Tersa parti di tera kemadu, ku tersa parti di arvuris, ku tudu paja verdi.