Apokalipsi 14:11 - BIBLIA - traduson antigu in Krioulo

¹¹ Fumansa di fugu di se kastigu i na subi pa tudu sempri. Ki jinti ku adora besta ku si imaẑen, kilis ku risibi sinal di si nomi, e ka ten diskansu di dia ku di noti.”

Apokalipsi 14:11 ပူးပေါင်းရင်းမြစ်များ

Kumsada 19:28

I jubi pa ladu di Sodoma ku Gomora, ku tudu bulañas di ki tera, i oja fumu ku na subi pa riba suma fumu di un furnu.

Salmus 10:16

SIÑOR i Rei pa sempri. Utru nasons na rinkadu di si tera.

Salmus 145:1

O Deus ña Rei, N na garandisiu; N na fala ben di bu nomi pa tudu sempri.

Saida 15:18

SIÑOR na rena pa sempri; si renu ka na kaba.”

Isaias 33:14

Jinti di Sion ku ta fasi pekadu sta ku garandi medu; tirmidura toma konta di kilis ku ka mporta ku Deus. E punta: “Kal algin na no metadi ku pudi mora ku fugu ku ta kaba ku tudu? O kin ku pudi fika pertu di ŝama ku ka ta paga?”

Isaias 34:10

Fugu ka na paga nin di dia nin di noti; si fumu na subi pa sempri. Con na fika suma lala di un manjuandadi pa utru; nunka mas ningin ka na pasa la.

Isaias 34:8

Kila na sedu dia di vingansa di SIÑOR, anu di difindi Sion, i geria pa el.

Isaias 57:20

Ma jinti mau e sta suma mar brabu ku ka pudi keta, ku ta leba lama ku susidadi, i botal na praia.

Daniel 3:6

Kualker algin ku ka mborka pa adoral, na ki ora i na botadu dentru di furnu ku na yardi.”

Joel 2:30

N na mostra milagris na seu ku tera, di sangi, ku fugu, ku kulunas di fumu.

Mateus 11:28

Bo bin pa mi, abos tudu ku kansa ku kargu pisadu; N na diskansa bos.

Mateus 25:41

“Dipus i na fala tambi kilis ku sta na si skerda: ‘Bo lunjusi di mi, maldisuadus, pa fugu ku ka ta paga, ku purparadu pa diabu ku si anjus,

Mateus 25:46

“Esis na si skerda e na bai pa kastigu ku ka ta kaba, ma jinti justu na bai pa vida ku ka ta kaba.”

Ripitison di Lei 28:65

Na metadi di ki nasons bu ka na ten diskansu, nin kau pa diskansa bu pe. SIÑOR na dau korson ku ka na ten susegu; bu uju na fika kansadu, bu na fika disanimadu.

Ebreus 1:8

Ma i fala di Fiju: “O Deus, bu tronu na kontinua pa sempri; Na bu renansa bu ta guberna ku justisa.

Apokalipsi 11:15

Setimu anju toka si korneta. I obidu manga di vos forti na seu, ku fala: “Puder pa manda riba di mundu i pasa ja pa no Siñor ku si Kristu; i na rena pa tudu sempri.”

Apokalipsi 13:12

I ta sta dianti di purmeru besta; i ta usa tudu otridadi di kila. I ta obriga tera ku tudu si moraduris pa e adora purmeru besta, kil ku teneba molostu di mortu ku kuradu.

Apokalipsi 13:15

I dadu puder pa pui folgu na imaẑen di besta pa kila pudi papia; i pudi manda pa mata tudu kilis ku ka adora ki besta.

Apokalipsi 13:17

pa ka ningin pudi kumpra nin bindi nada, son kilis ku tene sinal di nomi di besta, o numeru di si nomi.

Apokalipsi 14:9

Terseru anju bin tras di ki utrus, i fala ku garandi vos: “Si algin adora besta ku si imaẑen, i risibi tambi sinal na si testa o na si mon,

Apokalipsi 18:18

e oja fumu di kemansa, e grita, e punta: “Kal prasa ku parsi ku e garandi prasa?”

Apokalipsi 18:9

Reis di mundu ku pekaba ku el, ku ta viviba ku el na sabura, e na cora risu riba del ora ke oja fumu di si kemansa.

Apokalipsi 19:3

E torna grita e fala: “Aleluia! Si fumansa na subi pa tudu sempri!”

Apokalipsi 20:10

Diabu ku ngana elis i botadu na lagua di fugu ku nŝofri, nunde ku besta ku falsu anunsiadur sta. E na kastigadu di dia ku di noti pa sempri.

Apokalipsi 22:5

La i ka na ten mas di noti. I ka na pirsisadu kanderu nin lus di sol, pabia Siñor Deus na numia elis. E na rena pa tudu sempri.

Apokalipsi 7:12

e fala: “Amen! Lovor ku gloria ku jiresa ku gardisimentu ku rispitu ku puder ku forsa i sedu di no Deus pa tudu sempri! Amen!”