Apokalipsi 13:4 - BIBLIA - traduson antigu in Krioulo

⁴ E adora dragon suma ki pasanta besta si puder. E adora besta tambi, e punta: “Kin ku parsi ku besta? Kin ku pudi geria ku el?”

Apokalipsi 13:4 ပူးပေါင်းရင်းမြစ်များ

Saida 15:11

O SIÑOR, na metadi di deusis, kin ku sedu suma bo? Kin ki suma bo ki garandi dimas na puresa, ku ta ngabadu ku medu, ku ta fasi milagris?

Isaias 46:5

“Kin ku bo na parsintin ku el, o kin ku bo na igualan ku el? Kin ku bo na komparan ku el, ku sedu suma mi?

2 Koríntius 4:4

Deus de mundu i sega ntindimentu di kilis ku ka ta fia, pa tuji elis oja lus ku na lampra riba delis, ki lus ku bin di Bon Noba di gloria di Kristu, kil ku, na bardadi, i parsensa di Deus.

Ripitison di Lei 9:2

Jinti di la e sedu forti, altu, fijus di jigantis; bu sibi aserka delis, bu obi ditu ku fala: “Kin ku pudi firma kontra fijus di jigantis?”

2 Tesalonisensis 2:4

I na sedu inimigu ku na lanta kontra tudu ku comadu deus, ku tudu kusa ku ta adoradu, tok i na yentra, i sinta na templu di Deus, pa i mostra kuma el i Deus.

Apokalipsi 12:3

Utru sinal ojadu na seu, di un garandi limaria burmeju suma lagartu, ku comadu dragon, ku teneba seti kabesa ku des cifri. Riba di si kabesa i tene seti koroa.

Apokalipsi 12:4

Si rabu rasta tersa parti di strelas na seu, i bota elis riba di tera. Dragon firma dianti di minjer ku sta pa padi, pa ora ki padi, i ta kume si fiju.

Apokalipsi 13:11

I sai na con utru besta ku tene dus cifri ku parsi cifri di fiju di karnel, ma i ta papiaba suma dragon.

Apokalipsi 13:15

I dadu puder pa pui folgu na imaẑen di besta pa kila pudi papia; i pudi manda pa mata tudu kilis ku ka adora ki besta.

Apokalipsi 13:2

Besta ku N oja i parsi suma onsa; si pe parsi ku pe di ursu, si boka suma di lion. Dragon pasanta pa el si puder, si tronu ku si garandi otridadi.

Apokalipsi 17:14

E na geria kontra Karnel; Karnel na ngaña elis, pabia el i Siñor riba di tudu siñoris, Rei riba di tudu reis. Kilis tambi ku sta ku el, ki coma, i kuji, e sedu fiel, e na ngaña tambi.”

Apokalipsi 18:18

e oja fumu di kemansa, e grita, e punta: “Kal prasa ku parsi ku e garandi prasa?”

Apokalipsi 9:20

Jinti ku sobra, ku ka muri na ki kastigus, e ka ripindi pa e disa ki kusas ke kumpu ku se mon; e ka disa di adora dimonius, nin idulus di uru, prata, bronzi, pedra, nin di madera, ku ka pudi oja, e ka pudi obi, e ka pudi yanda.

1 Samuel 17:24

Tudu omis di Israel kaba oja ki omi, e kuri del ku garandi medu.