Apokalipsi 13:10 - BIBLIA - traduson antigu in Krioulo

¹⁰ Kin ku markadu pa bai katiberasku, i ten ku bai. Kin ku markadu pa muri ku spada, i ten ku muri ku spada. Pa es i pirsis pa pobu di Deus ten koraẑen ku fe.

Apokalipsi 13:10 ပူးပေါင်းရင်းမြစ်များ

Isaias 14:2

Nasons na juda elis pa e riba na se lugar; pobu di Israel na tene elis suma servus macu ku femia na tera di SIÑOR. E na pui katibu kilis ku teneba elis suma katibu, e na manda riba di kilis ku na kalkaba elis.

Isaias 26:21

Jubi, SIÑOR na bin sai na si lugar pa kastiga moraduris di mundu pa se pekadus. Con na tira sangi ku darmadu nel; i ka na sukundi mas kilis ku matadu.

Isaias 33:1

Koitadi di bo, abo danadur ku ka danadu inda, abo ku ta falsia, ma bu ka falsiadu inda! Ora ku bu kaba dana, bu na danadu; ora ku bu kaba falsia, jinti na falsiau.

Jeremias 15:2

Si e puntau nunde ke na bai, bu ta fala elis kuma, asin ku SIÑOR fala: ‘Kilis ku distinadu pa mortu e ta bai pa mortu! Kilis ku distinadu pa spada e ta bai pa spada! Kilis ku distinadu pa fomi e ta bai pa fomi! Kilis ku distinadu pa katiberasku e ta bai pa katiberasku!’ ”

Jeremias 43:11

I na bin ataka tera di Ejitu. I na tisi mortu pa kilis ku distinadu pa mortu, katiberasku pa kilis ku distinadu pa katiberasku, spada pa kilis ku distinadu pa spada.

Miskiñu di Jeremias 3:26

I bon pa pera ku kalmu ku speransa pa SIÑOR bin salbanu.

Abakuk 2:3

Pabia vison i ka pa gosi, ma i pa un tempu markadu. Si tempu na ciga, i ka na maina. Si i tarda, peral, pabia di sertesa i na bin, i ka na tarda.

Mateus 26:52

Jesus falal: “Miti spada na si lugar, pabia tudu kil ku pega na spada, ku spada ki na muri.

Mateus 7:2

pabia manera ku bo julga utrus, asin tambi ku bo na julgadu. Midida ku bo midi ku el, i el ku bo na mididu ku el tambi.

Lukas 21:19

Bo fika firmi, bo na sedu salbu.

Kolosensis 1:11

No pidil pa i fortifika bos ku forsa ku bin di si puder gloriosu, pa bo pudi nguenta tudu ku bin, ku pasensa, ku kontentamentu,

Ebreus 6:12

No ka misti pa bo bin sedu prigisosu, ma pa bo remenda kilis ku na risibi kil ku Deus purmiti, pabia di se fe ku pasensa.

Apokalipsi 1:9

Ami Jon, bo ermon, bo kumpañer na kastigu ku no na sufri ku pasensa di Jesus, suma no sedu di si renu, N staba na jiu ku comadu Patmos, pabia di konta palabra di Deus, di da tustumuñu di Jesus.

Apokalipsi 11:18

Nasons paña raiba, ma dia di bu vinga ciga. I tempu ja pa mortus julgadu, tempu pa bu paga bu servus anunsiadur, ku bu pobu, ku kilis ku rispita bu nomi, pikininus ku garandis; i tempu pa bu dana ki jinti ku dana tera.”

Apokalipsi 14:12

Pa es i pirsis koraẑen na parti di pobu di Deus, ku obdisi si mandamentu, e fika fiel pa Jesus.

Apokalipsi 16:6

Suma ke darma sangi di bu pobu ku di anunsiaduris, bu da elis tambi sangi pa e bibi. I justa elis propi!”

Apokalipsi 17:11

Besta ku bibuba, ku ka bibu gosi, el tambi i ta kompleta oitu rei. El i di ki seti rei; i na bai pa pirdison.

Apokalipsi 17:8

Ki besta ku bu oja i bibuba, ma gosi i ka bibu, ma i ten ku bin subi di abismu, pa i bai pa pirdison. Jinti ku sta na tera (kilis ku se nomi ka sta skritu, desdi ku mundu kumpudu, na libru di nomi di bibus) e na dimira ora ke oja besta ku bibuba, ku ka bibu gosi, ma i na torna bin.

Apokalipsi 2:19

N sibi ke ku bu fasi; N kunsi bu amor, bu fe, bu tarbaju ku bu pasensa. N sibi kuma bu na tarbaja gosi mas di ki na kumsada.

Apokalipsi 2:2

N sibi ke ku bu fasi, bu tarbaju ku bu pasensa. N sibi kuma bu ka pudi nguenta jinti mau; bu proba kilis ku fala kuma elis i apostolus, ma e ka sedu; bu oja kuma ke munturus.

Apokalipsi 3:10

Suma ku bu obdisi ña palabra, bu fika firmi, tambi N na guardau na tempu di kansera ku na bin riba di tudu mundu, pa proba kilis ku sta na tera.

Apokalipsi 3:3

Asin, lembra di kusas ku bu nsinadu, ku bu obi; bu obdisi elis, bu ripindi. Si bu ka disperta, N na bin riba di bo suma ladron; bu ka ta sibi na kal ora ku N na bin.