Apokalipsi 12:8 - BIBLIA - traduson antigu in Krioulo

⁸ ma e ka pudi ngaña; nin lugar ka ten mas pa el na seu.

Apokalipsi 12:8 ပူးပေါင်းရင်းမြစ်များ

Jo 20:9

Kilis ku ojal, e ka na torna ojal mas; i ka na ojadu mas na si kau.

Jo 7:10

Nunka mas i ka na riba pa kasa; si kau ka na torna kunsil mas.

Jo 8:18

Si i rinkadu na si lugar, si lugar ta negal, i fala: ‘Nunka N ka ojau.’

Salmus 129:2

Disna di ocan nobu, e kastigan manga di bias, ma e ka ngañan.

Salmus 13:4

pa ka ña inimigu bin fala kuma i ngañan, pa kilis ku sta kontra mi ka bin kontenti ora ku N kai.

Salmus 37:10

Dipus di puku tempu, jinti mau na disparsi; si bu buska elis, bu na oja se kau sin ningin.

Jeremias 1:19

E na geria kontra bo, ma e ka na ngañau, pabia N na sta ku bo pa librau.” Asin ku SIÑOR fala.

Jeremias 5:22

SIÑOR punta: “Bo ka ten medu di mi? Bo ka ta tirmi ña dianti? I ami ku pui reia pa i sedu frontera ku mar, un barera pa sempri ku mar ka pudi pasa. Maron pudi lanta ma i ka pudi kamba riba del. Nin si i somna, i ka pudi pasa frontera.

Mateus 16:18

Tambi N na falau kuma abo i Pedru. Riba de pedra N na kumpu ña igreẑa. Forsa di nfernu ka na bin pudi ku el.

Atus 1:25

pa i toma lugar ne tarbaju suma apostolu, ku Judas bandona pa bai pa lugar ki pertensi.”

Judas 1:6

Suma tambi anjus ku ka fika dentru di otridadi ke dadu, ma e nega se propi lugar, Deus rakada elis bas di sukuru, maradu pa sempri ku korenti, pa e julgadu na ki garandi dia.

Apokalipsi 12:11

E ngañal pabia di sangi di Karnel, ku palabra di se tustumuñu. E ka ama se vida, ma e sta pruntu pa muri.

Apokalipsi 12:7

I rebenta gera na seu. Migel ku si anjus geria kontra dragon. Dragon ku si anjus e geria,

Apokalipsi 12:9

Ki garandi dragon fercadu, ku sedu antigu serpenti ku comadu diabu ku Satanas, ku ta ngana tudu mundu. I fercadu na tera, tudu ku si anjus.

Apokalipsi 20:11

Dipus, N oja un garandi tronu branku, ku kil ku sta sintadu nel. Tera ku seu kuri si dianti. I ka tenba ja lugar pa elis.