Apokalipsi 12:7 - BIBLIA - traduson antigu in Krioulo

⁷ I rebenta gera na seu. Migel ku si anjus geria kontra dragon. Dragon ku si anjus e geria,

Apokalipsi 12:7 ပူးပေါင်းရင်းမြစ်များ

Salmus 78:49

I larga forsa ku kalur di si raiba na se metadi, i bida kontra elis suma se inimigu, i manda anjus di mal.

Isaias 34:5

Ña spada bibi li na seu tok i cami; ali i na disi riba di Edon pa julga elis, ki pobu ku N na ntrega pa e kabadu ku el.

Isaias 55:4

N pul pa i sedu suma tustumuña pa nasons, suma ŝef o gubernadur riba delis.

Daniel 10:13

ma ŝef di renu di Persia tajan kamiñu pa vinti i un dia. Suma ku N staba la ku rei di Persia, ami son, Migel, un di ŝefis di anjus, i bin judan.

Daniel 12:1

“Na ki tempu Migel, ki ŝef di anjus ku ta guarda bu pobu, i na lanta. I na ten un tempu di garandi sufrimentu, ku nunka ka tenba disna ku nasons ten te na ki dias. Na ki tempu bu pobu na libradu, kada un ku si nomi ojadu skritu na libru di Deus.

Mateus 13:41

Fiju di omi na manda si anjus, e na junta na si renansa tudu kilis ku ta pui utrus pa e kai, ku kilis ku ta fasi pekadu,

Mateus 16:27

Fiju di omi na bin bin na gloria di si Pape, ku si anjus; i na paga kada kin konformi kusa ki fasi.

Mateus 24:31

Ora ku korneta na toka ku forsa, i na manda si anjus pa kuatru kantu di mundu pa e junta jinti ki kuji, desdi un ladu di mundu te na utru.

Mateus 25:41

“Dipus i na fala tambi kilis ku sta na si skerda: ‘Bo lunjusi di mi, maldisuadus, pa fugu ku ka ta paga, ku purparadu pa diabu ku si anjus,

Mateus 26:53

O bo ka sibi kuma N pudi pidi ña Pape gosi, i ta mandan mas di sinkuenta mil anju?

2 Koríntius 12:7

Pa ka N pudi inci di garandesa pabia di kusa garandi ku Deus mostran, N dadu un kusa ku N pudi fala “fidida na ña kurpu”, ku Satanas ta manda pa bofotian, pa ka N pudi yalsa kabesa dimas.

Efésius 6:12

pabia no ka na geria kontra jinti, ma kontra garandi puderis ku otridadis ku ŝefis sataniku ku ta manda ne mundu sukuru, ku forsa spiritual di mal na mundu selestial.

2 Tesalonisensis 1:7

Abos ku na sufri, i na lebia bos, ku nos tambi. Es tudu na sedu ora ku Siñor Jesus parsi na seu ku si anjus ku ten puder,

Ebreus 2:10

I bon manera ku Deus, ku kumpu i nguenta tudu kusa, i fasi Jesus pirfitu pabia di si sufrimentu, pa i pudi tisi manga di fiju pa gloria. Jesus i kil ku na gia elis pa salbason.

2 Pedru 2:4

Deus ka purda anjus ku peka, ma i bota elis na nfernu, i mara elis ku korenti na kau sukuru, guardadu pa dia di juisu.

Judas 1:9

Ŝef di anjus propi, Migel, oca ki na diskuti ku diabu, e na junda-junda pabia di kurpu di Moisés, i ka osa fala palabra mau pa kondenal, ma i falal: “Siñor ta raprindiu.”

Apokalipsi 12:8

ma e ka pudi ngaña; nin lugar ka ten mas pa el na seu.

Apokalipsi 12:9

Ki garandi dragon fercadu, ku sedu antigu serpenti ku comadu diabu ku Satanas, ku ta ngana tudu mundu. I fercadu na tera, tudu ku si anjus.

Apokalipsi 13:7

Tambi i disadu pa i geria kontra pobu di Deus, i ngaña elis. I dadu otridadi riba di tudu rasa, pobu, lingua ku nason.

Apokalipsi 20:2

I prindi dragon, ki antigu serpenti ku comadu diabu o Satanas, i maral pa mil anu.