Apokalipsi 12:4 - BIBLIA - traduson antigu in Krioulo

⁴ Si rabu rasta tersa parti di strelas na seu, i bota elis riba di tera. Dragon firma dianti di minjer ku sta pa padi, pa ora ki padi, i ta kume si fiju.

Apokalipsi 12:4 ပူးပေါင်းရင်းမြစ်များ

Saida 1:16

i fala elis: “Ora ku bo na juda na partu di minjeris ebreu, si mininu i macu, bo ta matal; ma si i sedu femia, ka bo matal.”

Isaias 27:1

Na ki dia SIÑOR na toma si spada garandi, forti, duru, i kastiga Leviatan, ki serpenti ku ta rasta dipresa, ki serpenti ku ta fasi manobra ku kurpu; i na mata ki dragon ku sta na mar.

Bon Noba di Jesus Kristu ku Jon 8:44

Abos, bo pape i diabu; bo misti fasi si vontadi. El i matadur disna di kumsada. Nunka i ka sikidu na bardadi, pabia bardadi ka sta nel. Ora ki na konta mintida, i ta konta di kil ki sedu propi, pabia i munturus; i pape di mintida,

1 Pedru 5:8

Bo disperta, bo sedu jiru, pabia bo inimigu, ku sedu diabu, i na yanda na bo roda, suma lion ku na somna, i na buska kil ki pudi nguli.

Apokalipsi 12:7

I rebenta gera na seu. Migel ku si anjus geria kontra dragon. Dragon ku si anjus e geria,

Apokalipsi 12:9

Ki garandi dragon fercadu, ku sedu antigu serpenti ku comadu diabu ku Satanas, ku ta ngana tudu mundu. I fercadu na tera, tudu ku si anjus.

Apokalipsi 13:2

Besta ku N oja i parsi suma onsa; si pe parsi ku pe di ursu, si boka suma di lion. Dragon pasanta pa el si puder, si tronu ku si garandi otridadi.

Apokalipsi 13:4

E adora dragon suma ki pasanta besta si puder. E adora besta tambi, e punta: “Kin ku parsi ku besta? Kin ku pudi geria ku el?”

Apokalipsi 16:13

N oja tris spiritu mau ku parsi sapu ku na sai na boka di dragon, di besta ku di anunsiadur falsu.

Apokalipsi 17:18

“Ki minjer ku bu oja i ki garandi prasa ku ta manda riba di reis di mundu.”

Apokalipsi 20:2

I prindi dragon, ki antigu serpenti ku comadu diabu o Satanas, i maral pa mil anu.

Apokalipsi 8:10

Oca ku terseru anju toka si korneta, i kai di seu un garandi strela ku na yardi suma un garandi pacu di fugu. I kai riba di tersa parti di rius ku fontis di yagu.

Apokalipsi 8:11

Nomi di ki strela i coma Amargura. Tersa parti di yagu bida malgos. Manga di jinti muri pabia di ki yagu, suma i bida venenu.

Apokalipsi 8:12

Oca ku kuartu anju toka si korneta, tersa parti di sol fididu, ku tersa parti di lua, ku tersa parti di strelas, pa tersa parti delis bida sukuru, tersa parti di lus di dia pa ka i klaru, tambi di noti pa ka i numia.

Apokalipsi 8:7

Oca ku purmeru anju toka si korneta, cuba di jelu ku fugu jagasidu ku sangi darmadu riba di tera. Tersa parti di tera kemadu, ku tersa parti di arvuris, ku tudu paja verdi.

Apokalipsi 8:8

Oca ku sugundu anju toka si korneta, un kusa ku parsi monti garandi ku na yardi ku fugu i botadu na mar. Tersa parti di mar bida sangi;

Apokalipsi 8:9

tersa parti di limarias di mar muri; tersa parti di barkus danadu.

Apokalipsi 9:10

E tene rabu ku fidida suma di lakaran. Ku ki rabu e ten puder pa kastiga jinti sinku mis.

Apokalipsi 9:19

Puder di ki kabalus sta na se bokas ku se rabus, pabia se rabus parsi kobra. E tene kabesa ke ta murdi ku el.