Apokalipsi 11:18 - BIBLIA - traduson antigu in Krioulo

¹⁸ Nasons paña raiba, ma dia di bu vinga ciga. I tempu ja pa mortus julgadu, tempu pa bu paga bu servus anunsiadur, ku bu pobu, ku kilis ku rispita bu nomi, pikininus ku garandis; i tempu pa bu dana ki jinti ku dana tera.”

Apokalipsi 11:18 ပူးပေါင်းရင်းမြစ်များ

Salmus 103:11

Suma ku seu sta muitu altu, lunju di tera, asin ku si bondadi i garandi pa kilis ku rispital.

Salmus 110:5

Na bu direita, SIÑOR na kebranta reis na dia di si raiba.

Salmus 147:11

ma SIÑOR ta ten si kontentamentu na kilis ku rispital, ku ta pui se speransa na si bondadi.

Salmus 2:5

Dipus i na raprindi elis na si raiba, i na pantanda elis, i fala:

Salmus 85:9

Sin duvida el i sta pruntu pa salba kilis ku rispital, pa gloria pudi sta na no tera.

Eklesiastis 12:13

Na tudu ku bu obi, kusa importanti i es: Rispita Deus, bu obdisi si mandamentus, pabia es i kil ku tudu omi dibi di fasi.

Eklesiastis 8:12

Nin si un omi mau fasi mal sen bias, ma inda i tene vida kumpridu, N sibi sertu kuma kusas na kuri mas diritu ku kilis ku rispita Deus, e ten medu del.

Daniel 11:44

ma nobas ki na obi di saida di sol ku di norti na pantandal. I na sai ku garandi raiba pa dana, pa kaba ku manga di jinti.

Daniel 7:26

“Jinti di tribunal na sinta, e na tiral si puder, pa kaba ku el pa tudu sempri.

Daniel 8:25

Ku si jiresa i na pui pa nganu vensi. Dipus i na sinti orgulyu na si korson. I na kaba ku manga di jinti sin avisu. I na lanta kontra Rei mas garandi di tudu, ma i na kebradu sin ajuda di mon di omi.

Mateus 5:12

Bo kontenti, bo jukuta di alegria, pabia garandi pagamentu na pera bos na seu; asin tambi ku anunsiaduris trataduba antis di bos.

Lukas 1:50

I na ten pena di kilis ku rispital, ku se fijus pa dianti.

Ebreus 9:27

Tudu jinti ten ku muri un bias; dipus, julgamentu na bin.

Apokalipsi 10:7

Ora ku dia ciga pa setimu anju toka si korneta, Deus ta fasi suma ki marka na si planu sukundidu, suma ki konta si servus anunsiadur.

Apokalipsi 11:2

ma disa baranda ku sta fora di templu; ka bu midil, pabia i dadu pa jinti di utru rasas. E na masa prasa sagradu pa korenta i dus mis.

Apokalipsi 13:10

Kin ku markadu pa bai katiberasku, i ten ku bai. Kin ku markadu pa muri ku spada, i ten ku muri ku spada. Pa es i pirsis pa pobu di Deus ten koraẑen ku fe.

Apokalipsi 13:16

I obriga pa tudu jinti, pikininus ku garandis, rikus ku pobris, libris ku katibus, pa e pudu un sinal na se mon direita o na se testa,

Apokalipsi 14:10

ki algin tambi ten ku bibi biñu di raiba di Deus ku darmadu sin mistura na kopu di si raiba. I ten ku kastigadu ku fugu ku nŝofri dianti di anjus santu di Deus, dianti di Karnel tambi.

Apokalipsi 15:1

N oja na seu utru sinal garandi di dimira: seti anju ku teneba seti kastigu di kabantada ku ta kompleta raiba di Deus.

Apokalipsi 15:7

Un di ki kuatru kriatura bibu da ki seti anju seti tiẑela di uru ku inci ku raiba di ki Deus ku na bibu pa tudu sempri.

Apokalipsi 18:6

Bo torna dal tambi suma ki da bos. Bo pagal dus bias ki kusas ki fasi. Bo inci si kopu ku bibida dus bias mas forti di ki kil ki da bos pa bo bibi.

Apokalipsi 19:15

Na si boka i sai un spada fiadu pa fidi nasons ku el. I na guberna elis ku vara di feru. I na masa na lagar di biñu di forti raiba di Deus ku ten tudu puder.

Apokalipsi 19:18

pa bo kume karni di reis, ku karni di kumandantis ku tropas, ku di kabalu, ku kilis ku montal, karni di tudu jinti, libri ku katibu, pikininu ku garandi.”

Apokalipsi 19:5

I sai na tronu un vos ku fala: “Bo ngaba no Deus, abos tudu si servus, abos ku ten medu del, pikininus tudu ku garandis.”

Apokalipsi 20:12

N oja mortus, garandis ku pikininus, sikidu dianti di tronu. Librus yabridu. I yabri mas utru libru, kil ku tene nomi di bibus. Mortus julgadu pa kusas ku skirbidu na ki librus, konformi kusas ke fasi.

Apokalipsi 20:15

Tudu kil ku si nomi ka ojadu skritu na libru ku tene nomi di bibus, i botadu na lagua di fugu.

Apokalipsi 22:12

Jesus fala: “Bo jubi, N ka na tarda pa bin. N na tene ña pagamentu pa N da kada kin konformi si tarbaju.